Türkmənistanda mühüm sammit: İlham Əliyevin çıxışı Azərbaycanın Mərkəzi Asiyada artan rolunu bir daha ortaya qoydu

İlham Əliyev Türkmənistanda Mərkəzi Asiya Dövlət Başçıları ilə görüşdə çıxış edib
Xəbər verdiyimiz kimi, oktyabrın 8-də Türkmənistanın Türkmənbaşı şəhərində Azərbaycan Respublikası və Mərkəzi Asiya Dövlət Başçılarının 8-ci Məşvərət görüşü keçirilib.

Azərbaycan Prezidenti İlham Əliyev görüşdə çıxış edərək Azərbaycan ilə Mərkəzi Asiya ölkələri arasında siyasi, iqtisadi, nəqliyyat, enerji və digər sahələrdə əməkdaşlığın inkişafından danışıb.

Dövlət başçısı Azərbaycanın Mərkəzi Asiya dövlətləri ilə əlaqələrə xüsusi önəm verdiyini vurğulayıb, qarşılıqlı etimad və strateji tərəfdaşlıq münasibətlərinin regionun inkişafı baxımından əhəmiyyətini diqqətə çatdırıb.
Görüşdə region ölkələri arasında nəqliyyat-kommunikasiya əlaqələrinin genişləndirilməsi, ticarət və investisiya imkanlarının artırılması, enerji əməkdaşlığının inkişaf etdirilməsi, həmçinin Xəzər dənizi üzərindən bağlantıların gücləndirilməsi ilə bağlı məsələlər müzakirə olunub.

Azərbaycanın Mərkəzi Asiya ilə əməkdaşlığının son illərdə yeni mərhələyə yüksəldiyi qeyd olunaraq, ölkəmizin Şərq-Qərb və Şimal-Cənub nəqliyyat dəhlizlərində mühüm tranzit və logistika imkanlarına malik olduğu vurğulanıb.
Prezident İlham Əliyevin görüşdəki çıxışı Azərbaycanın Mərkəzi Asiya ölkələri ilə münasibətlərinin yalnız ikitərəfli əlaqələrlə məhdudlaşmadığını, daha geniş regional əməkdaşlıq və strateji tərəfdaşlıq formatına çevrildiyini bir daha nümayiş etdirib.

Baku TV-nin hazırladığı materialı təqdim edirik.

Telegramda izləyin