Hicab məsələsi İran mediasının gündəmində: Azərbaycanın daxili işinə niyə qarışırlar?

Azərbaycan məktəblərində hicab və vahid məktəbli forması ilə bağlı məsələlərin İran mediasında qabardılması suallar doğurur. Azərbaycanın daxili məsələsi olan məktəbli geyimi və təhsil qaydaları niyə qonşu ölkənin mediasının diqqət mərkəzinə çevrilməlidir? Bu cür müzakirələrin arxasında hansı məqsədlərin dayandığı, xüsusilə də uşaqların düşüncəsinə və dünyagörüşünə təsir göstərmək cəhdlərinin olub-olmadığı araşdırılmalıdır.

Azərbaycanın uşaqlarının düşüncəsinə kənardan təsir göstərilməsi, onların yad ideoloji təsirlər altında formalaşdırılması cəmiyyəti narahat edən ciddi məsələdir. Bəs İran mediası Azərbaycanın daxili məsələlərini niyə bu qədər qabardır və bununla hansı auditoriyaya təsir göstərməyə çalışır?
Mövzu ilə bağlı politoloq, Resurs Analitik İnformasiya Mərkəzi İctimai Birliyinin sədri Rasim Quliyev Sonxeber.az-a açıqlamasında bildirdi ki, hicab məsələsi həm mübahisəyə açıq məsələdir, həm də texniki deyil mənəvi məsələ olduğu üçün həssas məsələdir. İrandan Azərbaycana ixrac olunan "maddi-mənəvi" və "psixoloji" çeşidli vasitələr müxtəlifdir. Amma orta məktəb, geyim və hicab deyib həll etməli kifayət qədər məsələ olduğu halda say etibarilə 0,1% belə əhatə etməyən məsələnin üstünə getməyin kimə və nəyə lazım olduğunu sadəcə olaraq mən başa düşə bilmirəm.

Bəyəm məktəblərdə şagirdlərə verilən təhsil, metodika və digər bütün problemlər öz həllini tapıb ki, yalnız hicab problemi həll olunmamış qalıbmı? Say etibarilə o qədər azdir ki, bu məsələnyə fərdi şəkildə izahat və təşviqat işi ilə də yanaşmaq olardı. Bəs bu olmayan problemi dövlətin ciddi "problemi" kimi otaya çıxarmaq kimə və nəyə lazımdır? Bu suala cavab tapanda biləcəyik ki, hicab problemi yoxdur. İrandan isə Azərbaycana daha çox zəhərli narkotik vasitələr gətirilir.

Telegramda izləyin