Kartdan karta bütün köçürmələr ÖDƏNİŞLİ OLDU - QİYMƏTLƏR

Azərbaycan Mərkəzi Bankının Banklararası Kart Mərkəzi (BKM) üzərindən həyata keçirilən kartdan karta köçürmə əməliyyatlarına görə tətbiq olunan xidmət haqları açıqlanıb. Tariflər köçürmənin məbləğindən və valyutasından asılı olaraq dəyişir.

Valyuta.az xəbər verir ki, tariflərə əsasən, milli valyutada həyata keçirilən kartdan karta köçürmələr üzrə xidmət haqqı 0,03 manatdan 4 manata qədər müəyyən edilib.

Belə ki, 0-100 manat məbləğində köçürmələr üçün xidmət haqqı 0,03 manat, 100,01-1000 manat aralığında 0,1 manat, 1000,01-10 000 manat aralığında 0,5 manat təşkil edir.

10 000,01-40 000 manat məbləğində köçürmələr üzrə 2 manat, 40 000,01 manat və daha yüksək məbləğli əməliyyatlar üçün isə 4 manat xidmət haqqı nəzərdə tutulub.

ABŞ dolları ilə aparılan əməliyyatlarda xidmət haqqı köçürmənin məbləğindən asılı olaraq 0,03-4 dollar, avro ilə əməliyyatlarda isə 0,03-4 avro arasında dəyişir.

Xarici valyutada həyata keçirilən kartdan karta köçürmələr üzrə də xidmət haqları əməliyyatın məbləğindən asılı olaraq müəyyən edilib.

Belə ki, ABŞ dolları ilə aparılan 0-100 dollar məbləğində köçürmələr üçün xidmət haqqı 0,03 dollar, 100,01-1000 dollar aralığında 0,1 dollar, 1000,01-10 000 dollar aralığında isə 0,5 dollar təşkil edir.

10 000,01-40 000 dollar məbləğində köçürmələr üzrə 2 dollar, 40 000,01 dollar və daha yüksək məbləğli əməliyyatlar üçün isə 4 dollar xidmət haqqı tətbiq olunur.

Avro ilə həyata keçirilən köçürmələr üzrə də eyni tarif bölgüsü nəzərdə tutulub. Belə ki, 0-100 avro məbləğində köçürmələr üçün xidmət haqqı 0,03 avro, 100,01-1000 avro aralığında 0,1 avro, 1000,01-10 000 avro aralığında isə 0,5 avro müəyyən edilib.

10 000,01-40 000 avro məbləğində köçürmələr üzrə xidmət haqqı 2 avro, 40 000,01 avro və daha yüksək məbləğli əməliyyatlar üçün isə 4 avro təşkil edir.

Telegramda izləyin