Başqa həbsxanaya köçürüldü

Amerikalı reper "P. Diddy"nin (Şon Kombs) Nyu-Cersi ştatındakı həbsxanadan Pensilvaniyadakı Allenvud Federal İslah Müəssisəsinə köçürülüb.

Axşam.az xəbər verir ki, bu barədə TMZ məlumat yayıb.

Bildirilib ki, yeni həbsxanada təxminən 1000 məhbus saxlanılır. Əvvəlki müəssisədə isə bu rəqəm 4000-ə yaxın olub. Reperin köçürülməsi onun ötən şənbə günü təcili tibbi yardımla xəstəxanaya aparılmasından sonra baş verib.

ABŞ Federal Həbsxanalar Bürosu sənətçinin köçürülməsinin və xəstəxanaya yerləşdirilməsinin rəsmi səbəbini açıqlamayıb. Lakin mənbələrdən əldə edilən məlumata görə, "P.Diddy" yamaykalı narkobaron Kristofer Kukla əlbəyaxa dava zamanı başından xəsarət alıb.

Qeyd edək ki, reper Nyu-Cersidəki həbsxanada olduğu müddətdə dəfələrlə daxili qaydaları pozub. Bu səbəbdən onun nümunəvi davranışına görə cəzasının azaldılması və daha tez azadlığa çıxması üçün istifadə edə biləcəyi 41 günü ləğv edilib.

Telegramda izləyin