AQTA işlənmiş fritür yağı aşkarladı - İstehlakçılar nələrə diqqət etməlidir? - QİDA EKSPERTİNDƏN AÇIQLAMA
Qida məhsullarının hazırlanmasında istifadə olunan yağların keyfiyyəti insan sağlamlığı baxımından mühüm əhəmiyyət daşıyır. Eyni yağın dəfələrlə yüksək temperaturda qızdırılaraq istifadə edilməsi onun kimyəvi tərkibinin dəyişməsinə, zərərli birləşmələrin yaranmasına səbəb ola bilər. Belə məhsulların müntəzəm istehlakı isə ürək-damar sistemi və digər sağlamlıq problemləri ilə bağlı riskləri artıra bilər. Noyabrın 16-da Azərbaycan Qida Təhlükəsizliyi Agentliyinin Hövsan qəsəbəsində yerləşən ət emalı müəssisəsində keçirdiyi yoxlama zamanı işlənmiş fritür yağları aşkarlanıb. Müəssisədə digər ciddi qida təhlükəsizliyi pozuntuları da müəyyən edilib. Bu fakt ictimai iaşə və qida istehsalı müəssisələrində istifadə olunan yağların keyfiyyətinə nəzarət məsələsini yenidən gündəmə gətirir.
Bəs fritür yağının dəfələrlə istifadəsi insan orqanizmində hansı fəsadlara yol aça bilər? Belə yağlarda hansı zərərli maddələr yaranır? İstehlakçı restoranda və ya digər iaşə obyektində təqdim olunan yeməyin hansı yağda hazırlandığını müəyyən edə bilərmi?
Mövzu ilə bağlı qida eksperti Fərid Səfərov Sonxeber.az-a açıqlamasında bildirdi ki, fritür yağının dəfələrlə, xüsusilə də yüksək temperaturda və uzun müddət istifadə edilməsi onun kimyəvi tərkibində ciddi dəyişikliklərə səbəb olur. Belə yağlarda oksidləşmə və parçalanma məhsulları, aldehidlər və digər zərərli birləşmələr əmələ gəlir. Bu maddələrin mütəmadi olaraq qida vasitəsilə orqanizmə daxil olması hüceyrələrə oksidativ zərər verə, iltihabi prosesləri gücləndirə, ürək-damar xəstəlikləri və digər sağlamlıq problemləri riskini artıra bilər. Bundan əlavə, yağın keyfiyyəti və dadı dəyişir, qidanın təhlükəsizliyi və qida dəyəri aşağı düşür.
İstehlakçının yeməyin hansı yağda hazırlandığını yalnız görünüşünə və ya dadına əsasən müəyyən etməsi mümkün deyil. Yağın dəfələrlə istifadə edilməsi hər zaman qidanın rəngində və dadında aydın hiss olunmaya bilər. Buna görə də ictimai iaşə və qida istehsalı müəssisələri istifadə etdikləri yağların keyfiyyətinə, saxlanma şəraitinə və dəyişdirilmə müddətinə nəzarət etməlidirlər. İstehlakçı isə müəssisədən bu barədə məlumat tələb edə, şübhəli hallarla qarşılaşdıqda AQTA-ya müraciət edə bilər. Əsas məsələ odur ki, istifadə olunmuş yağın təkrarən qida hazırlanmasında tətbiqi iqtisadi qənaət naminə insan sağlamlığını riskə atmamalıdır.
Sağlam qidalanaraq sağlam yaşayın!
Müəllif: İlkin Məmmədkərimov
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Rəşid Mahmudovun evində partlayış baş verib?
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
SON DƏQİQƏ! ABŞ İranın Qeşm adasını bombaladı: 5-6 partlayış baş verdi
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Kadir İnanırın mirasının məbləği açıqlandı
1960-cı ildə proqnozlaşdırılan "qiyamət günü" gəldi
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Netanyahunun sosial şəbəkə hesablarına kiberhücum oldu - FOTO
Kirayəçi evi boşaltmaqdan imtina edirsə, ev sahibi nə etməlidir? - EKSPERTDƏN AÇIQLAMA
Azərbaycan-Böyük Britaniya: regional sabitlik və qlobal əməkdaşlıq perspektivləri
Azərbaycanda siqaret yenidən bahalaşacaq? - İqtisadçıdan AÇIQLAMA
Yeni Azərbaycan Partiyası - milli siyasi iradənin, dövlətçilik ənənələrinin və güclü Azərbaycan məfkurəsinin ifadəsi
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri