Azərbaycan niyə Dünya Bankının yardımından imtina etdi? - AÇIQLAMA

Xəbər verdiyimiz kimi Azərbaycan Dünya Bankı tərəfindən təqdim olunan güzəştli kreditdən imtina edib. Bəs bunun səbəbi nədir?

Məsələ ilə bağlı Sonxeber.az-a açıqlama verən iqtisadçı ekspert Xəyal Məmmədli bildirib ki, Dünya Bankı "COVİD-19" pandemiyası ilə bağlı tək Azərbaycana deyil, bütün dünya dövlətlərinə də güzəştli kredit ayırıb:

"Burada Azərbaycana 90 milyon dollar pul ayrılmışdı. Azərbaycan tərəfi isə bu layihədən imtina etdi, çünki kreditin şərtləri bizi qane etmədi. Azərbaycan hökuməti neft gəlirlərinin az olduğu vaxtlarda bu tipli dünya banklarının layihələrinə daha çox maraq göstərirdi. İndi isə neftdən gələn gəlirlər kifayət qədər olduğu üçün belə layihələri dövlət büdcəsindən maliyyələşdirmək daha sərfəlidir. Görünür, Malliyə Nazirliyi analizlər aparıb və uyğun olmadığı üçün imtina edib. Bu o demək deyil ki, Azərbaycan tərəfi Dünya Bankı ilə əməkdaşlığı dayandırır. Gələcəkdə uyğun layihələr olsa, qatılacağıq".

Aytəkin Cəlali

Telegramda izləyin