"Soyuqdəymə ilə özünüzü aldatmayın!" - Məşhur həkimdən XƏBƏRDARLIQ - VİDEO

Hazırda pandemiya dövründə olduğumuzu, müxtəlif virusların yayıldığını nəzərə alaraq, bədənimizi hər zaman "hücumlara" hazır etməliyik. Son müddət Azərbaycanda da koronavirusa yoluxma və "COVİD-19"dan ölüm sayının kəskin artdığını, yeni ştamların yayıldığını görürük və bu səbədən tədbirlərimizi daha da gücləndirməliyik.

Sonxeber.az BiG.AZ-a istinadən xəbər verir ki, həkim-fitoterapevt, apiterapevt, bitkilər üzrə elmi işçi Elnur Eldaroğlu özünün "İnstagram" səhifəsində paylaşdığı videoda bu xəstəliyə ciddi yanaşmağı, və "adi soyuqdəymə" deyib keçməməyi məsləhət görüb.

Onun sözlərinə görə, orqanizmin immunitetini aşağı salan faktorlardan bu aralar uzaq olmaq lazımdır. Hazırda havaların sərinləşməsi də, bir tərəfdən, müsbət haldır, çünki kondisionerdən, soyuq sudan çox istifadə etmək xəstəlik üçün şərait yaradır.

Həkim, həmçinin, qeyd edib ki, koronavirusun müalicəsində təbii vasitələrin rolu danılmazdır. Çörəkotu toxumunun faydalarını hətta ABŞ, Pakistan, Çili alimləri də araşdırıb və bu barədə müxtəlif məqalələr yazıblar.

Dr. Eldaroğlu vurğulayıb ki, "COVİD-19"un gedişatına genetik məsələlər, baxım, qida keyfiyyəti də təsir edir:

"Kürəkdə ağrı, bir az dadda dəyişmə oldusa, artıq şübhəniz olsun. Özünüzü soyuqdəymə ilə aldatmayın, amma "dadım itdisə, mən bitdim" deyib, gözünüzdə böyütməyin".

Mütəxəssis neqativ xəbərlərin də təsir göstərdiyini vurğulayaraq, insanın özünü pozitivə kökləməyinin əhəmiyyətindən danışıb.

Bu barədə daha ətraflı məlumat almaq üçün aşağıdakı videonu izləməyi tövsiyə edirik:

Telegramda izləyin