Yeniyetmə bu oyuna görə 2 ay xəstəxanada yatdı - VİDEO

İspaniyanın Valensiya şəhərində 15 yaşlı yeniyetmə "Fortnite" video oyunundan asılılığı olduğu üçün 2 ay xəstəxanada yatıb.

Sonxeber.az xəbər verir ki, bu barədə "Onda Cero" radiostansiyası bildirir.

Video oyunlardan asılılığa görə daha öncə də xəstəxanaya düşənlər olsa da, yeniyetmələr arasında bu hal ilk dəfə baş verir: əvvəlki xəstələrin yaşı 18-dən yuxarı olub.

Belə ki, yeniyetmə gün ərzində 20 saata qədər vaxtını oyunda keçirir, sübh saat 5-də yatır, məktəb dərslərini buraxırdı və dostlarıyla ünsiyyəti kəsmişdi.

"Asılılıq heroin, kokain və digər kimyəvi maddələrdən asılılığa oxşar hal alıb", - deyə psixiatr Matias Real-Lopez "The İndependent"ə bildirib.

Mütəxəssislərin sözlərinə görə, oyundan asılılıq uşağın qohumunun ölümündən sonra güclənib. Oyun xəstəsini tam detoksikasiya etmək üçün xəstəxanaya yerləşdiriblər. Müalicə müddətində həkimlər ona həmyaşıdları ilə ünsiyyət qurmaq üçün qacetlərdən istifadə etmək icazəsi veriblər, lakin istifadə müddəti ciddi nəzarətdə saxlanılıb.

Ekspertlər video oyunların əslində təhlükəsiz olduğunu, lakin patoloji istifadə zamanı riskin mövcudluğunu qeyd edirlər./BiG.AZ

Telegramda izləyin