"Bizim Cəbiş müəllim"in Makedonu: 50 il fərqlə

"Bizim Cəbiş müəllim"in Makedonu: 50 il fərqlə1969-cu ildə "Azərbaycanfilm" kinostudiyasında istehsal olunmuş "Bizim Cəbiş müəllim" Azərbaycan kino sənətinin incilərindəndir. Filmin ekrana çıxmasından illər ötsə də, bu gün də ona sevə-sevə baxılır və Azərbaycan tamaşaçısı heç vaxt "yoruldum" demir.

Hərbi kinopovestdəki hadisələr II Dünya müharibəsi illərində Bakıda cərəyan edir. Burada müharibə illərində qələbə naminə hər cür maddi çətinliklərə dözüb, ailəsini halal zəhmətlə dolandırmağa çalışan, vətənin azadlığını hər şeydən yüksək tutan sadə adamların mənəvi ucalığından söhbət açılır.

Film Maqsud İbrahimbəyovun "Müharibənin 1001-ci gecəsi" ssenarisi əsasında görkəmli rejissor Həsən Seyidbəyli tərəfindən çəkilib.

Böyük Vətən Müharibəsində Azərbaycan neftinin nə dərəcədə rol oynaması haqqında fikirlər ilk dəfə olaraq "Bizim Cəbiş müəllim" filmində Nəcəfov obrazının dili ilə söylənilib:

"Böyük Vətən Müharibəsində Sovetlər Birliyi tərəfindən iştirak edən hər 1000 tankdan 700-nü, hər 1000 təyyarədən 700-nü yanacaqla Azərbaycan təmin edib".

Sonxeber.az Modern.az-a istinadla xəbər verir ki, filmin çəkilişi başa çatdıqdan sonra Moskvaya göndəriblər. Həmişə olduğu kimi, bu dəfə də Moskva filmin bir neçə epizodu ilə yanaşı, Nəcəfov obrazının dili ilə deyilən həmin faktların çıxarılmasına göstəriş verir. Amma Həsən Seyidbəyli gərgin mübahisədən sonra istədiyinə nail olur, həmin kadrı saxlaya bilir.

"Bizim Cəbiş müəllim" filmindəki maraqlı obrazlardan biridi də Makedondur. Bu rolu əslən Bakının Prşağı kəndindən olan Aqil Ağacanov canlandırıb. Onu filmə təsadüfən çəkiblər.

Belə məlumat yayıb ki, Aqillə bulvarda təsadüfən nərd oynayan rejissor Həsən Seyidbəyli nərddə uduzduqdan sonra sözünü tutaraq, onu Makedon roluna sınaqlara çağırır. Çünki oyuna başlamazdan öncə Aqil Ağacanov Həsən Seyidbəyli ilə mərc kəsir ki, əgər rejissor uduzsa, onu kinoya çəkəcək.

Filmin rejissory olmuş Əbdül Mahmudov bu haqda deyib ki, əslində məsələ başqa cür olub:

"Deməli, görkəmli rejissor Həsən Seyidbəyli əslən Maştağadan idi, Pirşağıda da bağı vardı. Elə bir zaman idi ki, artıq ssenari hazır idi, aktyor seçimi mərhələsindəydik. Yazqabağı idi. Həsən müəllim mənə təklif etdi ki, bir yerdə gedib bağda çalışan ustaların məvacibini verək, həm də bir havamızı dəyişək. Razılaşdıq. Sən demə, hələ mənə qədər bağa gedib-gələndə tində durub meyxana deyən uşaqlar onun diqqətini cəlb ediblər. Bir yerdə gedəndə mənə dedi ki, fotoqraf da gəlsin. Onun istədiyi kimi də oldu. Getdik, ustaların maaşını verib geri qayıdanda tindəki uşaqlar, o cümlədən Makedon rolunun ifaçısı Aqil Ağacanov da orada oturmuşdu".

Elə bu dəmdə Həsən Seyidbəyli filmə çəkilməsi üçün Aqil Ağacanova "elçi" düşür, orada duran yeniyetmələrlə birgə meyxana deyib zarafatlaşır.

Əbdül Mahmudov bildirir ki, rejissor filmə çəkilmək təklifini edəndə Aqil bunu qeyri-ciddi qarşılayır. Həsən Seyidbəyli "oğlum, mən kinoçəkənəm, səni çəksəm, gələrsən?" - deyə soruşur.

Aqil də cavabında "mənim kinoda nə işim var", - deyir.

"Həsən müəllim təkid etməyə başladı ki, gözəl film olacaq, sənə yaxşı rol verəcəm və s. Aqil yeniyetmə idi. Elə bildi ki, onunla zarafat edirik. Sonra bildirdi ki, əgər məhəllə uşaqlarını da çəksəniz, gələrəm.

Beləcə razılaşdıq. Bundan sonra dəfələrlə həmin məhəlləyə gedib Aqilin ailəsilə tanış oldum, onun özüylə yaxın münasibət qurdum. Filmdə Cahangir Zeynalov və Ziya Seyidbəylidən başqa, meyxana deyən uşaqların hamısı Aqilə görə kənddən gələn uşaqlar idi.

Cəbiş müəllimin uşaqları rolunda çəkilənlər Həsən Seyidbəylinin öz uşaqları idi. Ziya Seyidbəyli, Məryəm Seyidbəyli və Mehdi Seyidbəyli. Lap körpəni isə həmin məhəllədə yaşayan ailədən götürmüşdük".

Filmdəki meyxananın sözləri məşhur meyxanaçı Ağasəlim Çıldağa məxsusdur.

Əbdül Mahmudov:

"Ağasəlim Çıldağı biz özümüz dəvət etmişdik. Əslində meyxananı kadrarxasında Ağasəlim Çıldağın tələbələri deyib. Hətta onların içində kiçik bir uşaq da var, Ağasəlim Çıldağ onu çox tərif edərək söyləyirdi ki, o, böyük meyxanaçı olacaq. Amma təəssüf ki, sonra o uşaq qəzada öldü. Çəkilişlərin birində Arif Nərimanbəyov həmin uşaqdan əl çəkmədi ki, bir dənə ləntərani (ədəbsiz sözlər üzərində qurulmuş meyxana) desin, ona replikalar atırdı. Uşaq da olardı 14-15 yaşlarında. Ağasəlim müəllimə dedi ki, icazə ver, bu kişiyə meyxana deyim. Həsən Seyidbəyli də göz vurdu ki, de. Ağasəlim Çıldağ bilirdi ki, bu uşaq nəsə "korlayacaq". Arif müəllim də ağsaqqal adam idi. Amma özü "qaşınmışdı".

Uşaq meyxananı deyəndən sonra aləm bir-birinə dəydi. Həsən müəllim dedi: "Malçik, xvatit, bolşe ne nado".

Meyxana ilk dəfə məhz bu filmdə bir janr kimi tarixə düşdü, folklor sənəti kimi rəsmən öz təsdiqini tapdı".

Qeyd edək ki, Makedon rolunun ifaçısı Aqil Ağacanov hazırda Pirşağı kəndində yaşayır və pensiyaçıdır. O, uzun müddət Pirşağıda kababçı işləyib.

Deyirlər rejissor filmin çəkilişləri zamanı Aqilin bəzi kaprizlərinə dözməli olub. Məsələn, Tanya ilə öpüş səhnəsinin çəkilişində Makedon - Aqil Ağacanov özü qəsdən səhvlərə yol verirmiş ki, dubl təkrarlansın və qızı bir neçə dəfə öpə bilsin. Bu yolla o, rus qızı Svetlana Morşininanı bir neçə dəfə öpməyə nail olur.

Bunu Aqil Ağacanovun özü də çox sonralar etiraf edib.

"Tanya rolunu oynayan Svetlana Morşininanı Bakıdakı rusdilli məktəblərdən birindən tapmışdıq", - deyə rejissor Ə.Mahmudov bildirib.

Yeri gəlmişkən, Aqil Ağacanov daha bir məşhur filmdə çəkilib. O, 2001-ci ildə lentə alınan "Yuxu" filmində polis əməkdaşı Mənsurov (ləqəbi "Çənə") rolunu oynayıb.

Aqil Ağacanov 1949-cu il avqustun 22-də anadan olub. Bəli, bu gün onun doğum tarixidir. O, hələ də Pirşağıda kababçı Aqil kimi tanınır.


Sonxeber.az Telegramda izləyin instagramda izləyin
Mədəniyyət   Baxılıb: 3543   Tarix: 27 sentyabr 2021  

Şikayətiniz varsa Whatsapp: 051 7028255

Facebookda Paylaş


Xidmetler

DİGƏR MARAQLI XƏBƏRLƏR

Hansı adət-ənənələrimiz ləğv olunmalıdır? - AÇIQLAMA

İstiqamət: Azərbaycanın dövlətçilik tarixinin, milli adət-ənənələrinin, elm və mədəniyyətinin təbliği: dövlət müstəqilliyimizin bərpasının 30-cu ili -Azərbaycan dövlətçiliyi müasir mərhələdə. Ümummilli lider Heydər Əliyevin dediyi kimi, "yüksək mədəniyyətə malik olan xalq həmişə irəli gedəcək, həmiş

30 sentyabr 2021

Adil Bəbirov Kanadada vəfat etdi

Əməkdar incəsənət xadimi, bəstəkar Adil Bəbirov 87 yaşında Kanadada dünyasını dəyişib. Axşam.az xəbər verir ki, bu barədə yazıçı-şair Aqşin Babayev sosial şəbəkədə paylaşım edib. Qeyd edək ki, Adil Bəbirov 1934-cü il fevralın 15-də Bakıda anadan olub. "Bilirsən özün", "Oyan", "Taleyi

27 sentyabr 2021

Bir neçə gün öncə Şuşada musiqiləri səslənən bəstəkarımız VƏFAT ETDİ - FOTO

Əməkdar incənəsət xadimi, bəstəkar Adil Bəbirov vəfat edib. xəbər verir ki, bu barədə Azərbaycan Bəstəkarlar İttifaqının sədri Firəngiz Əlizadə məlumat verib. O, bəstəkarın Kanadada, bu gün vəfat etdiyini bildirib:. "Bizim onunla uzun illər əlaqəmiz yox idi. Orada qocalar evində yaşayırdı. Elə orad

26 sentyabr 2021

"Gəl, ey səhər" mahnısı dünyaca məşhur musiqiçilərin ifasında - VİDEO

Polad Bülbüloğlunun "Gəl, ey səhər" mahnısını bu dəfə dünyaca məşhur ifaçılar səsləndirib. Britaniyalı müğənni Paul Dauyer və türkiyəli musiqiçi Sarper Semiz mahnıya növbəti dəfə nəfəs veriblər. Qeyd edək ki, məşhur mahnının bəstəsi Polad Bülbüloğluya, sözləri isə Fikrət Qocaya aiddir

26 sentyabr 2021

Teatr direktoru xəstəxanaya yerləşdirildi

Koronavirusa yoluxmuş Şuşa Musiqili Dram Teatrının rəhbəri, Əməkdar artisti Yadigar Muradovun səhhəti pisləşdiyindən Zığ qəsəbəsindəki Modul Tipli Xəstaxanaya yerləşdirlib. xəbər verir ki, bu barədə onun dostları bildiriblər. Onlar Səhiyyə və Mədəniyyət nazirliklərini Yadigar Muradovun səhhətinə diqqət

26 sentyabr 2021

Tanınmış müğənni xəstəxanaya yerləşdirildi

Türkiyəli müğənni Sertab Ərənər xəstəxanaya yerləşdirilib. xəbər verir ki,müğəninin bağırsaqlarında problem yaranıb. Həkim nəzarətinə götürülən Ərənər müalicə alır. Sertab səhhətinə görə bir neçə konsertini də təxirə salıb. Müğənni "Mənim üçün narahat olan hər kəsə təşəkkür edirəm. Xəstəxanada etiba

25 sentyabr 2021

Aleyna Tilki Türkiyəni tərk etdi

Türkiyəli müğənni Aleyna Tilki Türkiyədən köçüb. xəbər verir ki, ifaçı bu barədə sosial şəbəkədə məlumat yayıb. O, izləyicilərinə belə vida edib:. "4 ay sonra görüşərik, mən gedirəm millət". Qeyd edək ki, A.Tilki bir müddət əvvəl verdiyi açıqlamada iki ildir çətin vaxtlar keçirdiyini və he

25 sentyabr 2021

Elvin Basqallı Xəzər TV-yə keçdi

Tanınmış aparıcı Elvin Basqallı Xəzər TV-yə keçib. xəbər verir ki, bu barədə aparıcı özü qeyd edib. O, bundan sonra "Xəzər xəbər"in aparıcısı olaraq edirə çıxacaq. Qeyd edək ki, E.Basqallı bundan əvvəl Speys TV-nin "Ana xəbər" proqramının aparıcısı olaraq çalışıb

25 sentyabr 2021

Dörd dəfə evləndi, ona görə filmə yataq səhnəsi salındı... - FOTOLAR

bir dövr Azərbaycan kinolarının ulduz aktrisası hesab olunan Leyla Sıxlinskaya haqqında maraqlı məlumatları təqdim edir. Leyla Fərrux qızı Şıxlinskaya 12 iyun 1947-ci ildə Moskvada anadan olub. Atası Fərrux Sadıxov metallurq kimi fəaliyyət göstərib. Daşkəsəndəki mədən müəssisələrinin birində müdir işləyib

23 sentyabr 2021

vipemlak.az