"Ağ canavar" ləqəbli dünya çempionumuz QƏLƏBƏSİNDƏN danışdı - FOTO

Xəbər verdiyimiz kimi, ötən gün 63 kiloqram çəkidə mübarizə aparan "Ağ canavar" ləqəbli idmançımız Eduard Məmmədov İtaliyada keçirilən WAKO versiyası üzrə dünya çempionatının final döyüşündə ukraynalı idmançı Artyom Kaşkurtsevi məğlub edərək dünya çempionu olub.

Qələbə ilə bağlı təəssüratlarını Sonxeber.az-la bölüşən Eduard Məmmədov bildirib ki, bu qələbəsini Qarabağ şəhidlərinin ruhuna həsr edib:

"6-cı dəfə WAKO üzrə 3 etapdan ibarət döyüşdə qalıb gələrək qızıl medalla təltif olundum.

İlk döyüşdə italyan idmançı  Sero Simon Kalogero ilə döyüşərək 15 xal üstünlüklə vaxtından tez qalib gəldim. 2-ci döyüşdə, Avstriya təmsilçisi Durlaçer Romanı məğlub etdim. Nəhayət, bu gün keçirilən final mərhələsində Ukrayna idmançısı Artyom Kaşkurtsevı məğlub edərək qızıl medal qazandım.

Dəstək olan, mənimlə birlikdə sevincimi paylaşan hər kəsə dərin təşəkkürümü bildirirəm. Xarici ölkədə bayrağımızı dalğalandırıb, himnimizi səsləndirmək qədər ikinci qürurverici hiss tanımıram".

Aysel Səfərzadə

Telegramda izləyin