Masazırda üçmərtəbəli ev yandı - YENİLƏNİB + VİDEO

Fövqəladə Hallar Nazirliyi Abşeron rayonu, Masazır qəsəbəsində fərdi yaşayış evində baş vermiş yanğın bağlı məlumat yayıb.

Nazirlikdən bildirilib ki, yanğın nəticəsində ümumi sahəsi 675 kvadratmetr (hər mərtəbəsi 225 kvadratmetr) olan mansarda tipli üçmərtəbəli evin ikinci mərtəbəsinin və mansardasının yanar konstruksiyaları 450 kvadratmetr sahədə, birinci mərtəbəsinin tavanı 24 kvadratmetr sahədə yanıb.

Evin qalan hissəsi yanğından mühafizə olunub.

11:21

Abşeron rayonunda ikimərtəbəli yaşayış evində baş verən yanğın söndürülüb.

Bu barədə Fövqəladə Hallar Nazirliyinin Mətbuat Xidmətindən məlumat verilib.

Bildirilib ki, mənzilin qalan hissəsi yanğından mühafizə olunub.

09:18

Abşeron rayonunda ikimərtəbəli yaşayış evində yanğın başlayıb.

"Report"un xəbərinə görə, hadisə Masazır qəsəbəsi, Hacı Zeynalabdin Tağıyev küçəsində qeydə alınıb.

Hadisə yerinə Fövqəladə Hallar Nazirliyinin yanğından mühafizə bölmələri cəlb edilib.

Telegramda izləyin