Azərbaycanın İranla münasibəti nə yerdədir? - AÇIQLAMA

Hər kəsə məlum olduğu kimi, bir neçə ay bundan öncə İranla Azərbaycan arasında xoşagəlməz hadisələr baş vermişdi. Bəs bu gün İranla münasibətimiz nə yerdədir?

Məsələ ilə bağlı Sonxeber.az-a deputat Cavid Osmanov açıqlama verib.

Onun sözlərinə görə, Azərbaycan İranla artıq münasibətlərinin yeni mərhələsinə qədəm qoyub:

"Azərbaycan Prezidenti cənab İlham Əliyev müstəqil xarici siyasət yürütməklə bərabər, eyni zamanda dünya ölkələri ilə qarşılıqlı əməkdaşlıq, xoş münasibətlər qurmaq siyasəti yürüdür. Xüsusən də bölgə ölkələri ilə Azərbaycan dövlətinin yürütdüyü siyasət, hər zaman qarşılıqlı münasibətlər, dostluq və əməkdaşlıq üzərində qurulub.

Cənab İlham Əliyevin iştirakıyla İqdisadi Əməkdaşlıq Təşkilatının Türkmənistanın paytaxtı Aşqabadda keçirilən zirvə görüşü çərçivəsində təbii qaz nəqli ilə bağlı Azərbaycan, İran və Türkmənistan arasında imzalanmış saziş bunu göstərir ki, Azərbaycan İranla münasibətlərinin yeni mərhələsinə qədəm qoyur.

Cənab Prezidentimiz də öz açıqlamasında qeyd edib ki, İranla-Azərbaycan münasibətləri dostluq, mehriban qonşuluq, qardaşlıq üzərində qurulub və bundan sonra da mövcud əməkdaşlıq münasibətlərini daha da inkişaf elətdirməklə yeni əməkdaşlıq platformalarının axtarışını həyata keçirməkdir".

ZAİRA AKİFQIZI

Telegramda izləyin