"Cənab Prezident İlham Əliyev ilə bizi hər zaman parlaq gələcək gözləyir" - Emil Əkbərov

"Cənab Prezident İlham Əliyevin hakimiyyəti dönəmində Azərbaycan inkişafının yeni mərhələsinə qədəm qoydu. Bundan başqa, məhz Ali Baş Komandanın rəhbərliyi ilə xalqımız 30 illik işğala son qoyaraq ərazi bütövlüyümüzü bərpa etdi".

Bunu Sonxeber.az-a açıqlamasında "BİG Media" MMC-nin rəhbəri Emil Akbarov söyləyib.

O, qeyd edib ki, cənab Prezident dövlət başçsı seçildiyi gündən bu günə kimi qarşıya qoyduğu bütün hədəflərə çataraq və xalqımıza verdiyi sözləri tutaraq Azərbaycanı hər sahədə böyük uğurlar qazanan ölkə kimi regionun güc mərkəzinə çevirdi:

"Nəticədə də regionda həyata keçirilən bütün qlobal layihələr məhz Azərbaycanın razılğından sonra keçirilməklə yanaşı, həm də bir sıra böyük proyektlər Azərbaycanın maliyyə imkanları nəticəsində baş tutdu.

Kiçikdən böyüyə qədər bütün azərbaycanlıların sevgisini, inamını qazanan Ali Baş Komandan 17 il ərzində hər biri sahədə apardığı islahatlar, xüsusi ilə ordumuzun maddi-texniki bazasının artırılması istiqamətində atdığı addımlar sayəsində 30 illik işğala son qoyaraq müdrik və güclü Lider kmi adını tarixə qızıl hərflərlə yazdırdı.

Cəmi 44 gün ərzində Müzəffər Ali Baş Komandan və onun qurduğu Şanlı Azərbaycan Ordusu erməni mifini dağıtdı və Azərbaycanın ərazi bütövlüyünü bərpa etdi. Azərbaycanın Vətən müharibəsində istifadə etdiyi döyüş metodları dünya hərb tarixində yeni səhifə açdı və müharibələrin gedişatını dəyişdi. Bu gün isə qarşıda duran hədəflər Qarabağı yenidən regionun cənnət məkanına çevirməkdir".

Emil Akbarov vurğulayıb ki, son bir neçə gündə cənab Prezidentin maaşların, pensiyaların, müavinətlərin artırılması ilə bağlı imzaladığı sərəncam və fərmanlar bir daha onun yürütdüyü siyasətinin mərkəzində vətəndaşlarımızın rahat və təhlükəsiz şəkildə yaşamasını təmin etmək olduğunu sübut etdi:

"Pandemiya dövründə xüsusilə də sosial vəziyyəti aşağı olan vətəndaşlara bir neçə ay dövlət tərəfindən maddi yardımların edilməsi dövlət siyasətinin əsasının hər bir azərbaycanılının sağlam və firəvan yaşaması olduğunu bir daha ortaya qoydu.

Ən önəmlisi isə odur ki, 2018-ci ildə cənab Prezident İlham Əliyev növbəti dəfə prezident seçildikdən sonra aparılan islhatlar sayəsində Azərbaycan yeni mərhələyə qədəm qoydu. Belə ki, qısa müddət ərzində ölkədə bütün sahələri əhatə edən islahatlara start verildi, dövlət institutlarının müasir çağırışlara cavab verməsi üçün dəyişikliklər aparıldı, korrupsiyaya qarşı mübarizə gücləndirildi və regionlardakı idarəetməyə diqqət daha da artırıldı.

Dövlət başçısının 3 ildə apardığı ciddi kadr dəyişiklikləri, məmurlara, dövlət rəsmilərinə fəaliyyətlərini məhz vətəndaşların mənafelərinin müdafiəsi istiqamətində qurmaları ilə bağlı qəti tapşırıqlar verməsi ictimai fikirdə demokratik inkişafa xidmət edən islahatların uğurla gedəcəyinə qəti inam yaradıb. Dövlət başçısı idarəçiliyin təkmilləşdirilməsi prosesini daim diqqət mərkəzində saxlamaqla, cəmiyyətin inkişaf qanunauyğunluqlarından irəli gələrək yeni, çevik və işlək strukturların, dövlət komitələrinin, nazirliklərin fəaliyyətlərinin təkmilləşməsinə nail oldu.

Xüsusi olaraq qeyd etmək istəyirəm ki, son 3 il ərzində ölkədə struktur dəyişiklikləri ilə eyni vaxtda kadr islahatları və rüşvətxorluğa qarşı mübarizə də geniş miqyasda davam edir.

Aparılan dəyişikliklər nəticəsində, modern, çevik siyasətlə ayaqlaşa biləcək yeni gənc kadrların mərkəzi və regional orqanlara təyin edilmələrinin şahidi oluruq. Təbii ki, cənab Prezident tərəfindən aparılan daxili, xarici siyasətin başlıca məqsədi hər bir Azərbaycan vətəndaşının daha da yaxşı yaşaması, ölkəmizin iqtisadi müstəqilliyinin daha da möhkəmlənməsi və dünyada rolumuzun, əhəmiyyətimizin artmasıdır. Əminəm ki, cənab Prezident İlham Əliyev ilə bizi hər zaman parlaq və hər bir sahədə uğurlu gələcək gözləyir.

Fürsətdən istifadə edərək, 44 günlük Vətən müharibəsində bizə möhtəşəm qələbə sevincini yaşadan Ali Baş Komandanı təbrik edir, ona can sağlığı və Azərbaycan xalqı naminə göstərdiyi fəaliyyətində yeni-yeni uğurlar arzulayıram".

Aysel Yusifqızı

Telegramda izləyin