ÇÖRƏYİN çəkisi azalıb? - "NUR" çörək zavodundan AÇIQLAMA

Xəbər verdiyimiz kimi, çörəyin qiyməti artıq 0.65AZN olub. Bir çoxları qiymətlərdən narazıdırlar, bəziləri isə məhz "NUR" çörəyinin çəkisinin 650 yox, 500-550 qram olduğunu iddia edib şikayətlənirlər.

Sonxeber.az saytının əməkdaşları bunun nə dərəcə doğru olduğunu öyrənmək üçün ilk öncə "NUR" çörək zavodunun rəhbəri Zöhrab Cabbarovla əlaqə saxlayıb, daha sonra adı çəkilən çörəyin çəkisini dəqiqləşdirmək məqsədi ilə marketə üz tutublar.

Zöhrab Cabbarov bunun yalnış məlumat olduğunu bildirib:

"Az miqdarda çəkidə fərq ola bilər. Lakin 500-600 qramm olması mümkün deyil. Hətta gedib bunu marketlərdə dəqiqləşdirə bilərsiniz. Mən zavodumuzun məhsuluna cavabdehəm".

Həqiqətən də, marketlərdə apardığımız araşdırma onun sözlərini sübuta yetirib. Çörəklərin çəkisi 640-665 qram civarında olub.

ZAİRA AKİFQIZI

Telegramda izləyin