Kimlərə düşbərə, xəngəl yemək olmaz? - ZƏRƏRİ

Sağlam insanın menyusunda düşbərə, xəngəl, mantı, pelmeni olmalıdır. Qış aylarında yağlı ətlə xəmir yeməyi bədəni qüvvətli və isti edir.

Lakin bəzi xəstəlikləri olan insanlar bu dadlı yeməklərin tərkibinə fikir vernəli və onları özlərinə uyğun hazırlamalıdır.

Medicina.az xəbər verir ki, hazır satılan və restoranlarda verilən düşbərə, gürcü xəngəlinin içinə çox yağlı ət, donuz əti, farşa əlavə olaraq piy, yağ qatılır. Bunu yeməyin dadını yaxşılaşdırmaq və düşbərəni daha yumşaq etmək üçün edirlər. Ona görə ürək, təzyiq, şəkər xəstələri, piylənməsi olanlar əmin olmalıdır ki, ət yağsız ətdir, ona piy qatılmayıb, yaxşı olar ki, onlar üçün bu yeməklər qırmızı yox, ağ ətdən yəni filedən hazırlansın.
Yağlı qoyun ətindən qaçmaq lazımdır.

Düşbərə, xəngələ əlavə ədviyyatlar, duz qatırlar. Bu da insanı daha çox xəngəl sifariş etməyə sövqləndirir.

Qeyd etdiyimiz xəstələrin düşbərə, xəngəlinə duz qatılmamalıdır. Eləcə də un ağ yox, kəpəkli və çovdar unundan olmalıdır. Pelmeni, xəngəli hər hansı tərəvəzli salatla uzlaşdırmaq lazımdır. Mütləq ondan öncə təzə salat yeyin.

Qastriti, mədə-bağırsaq xorası olanlar, oynaq iltihabı, podaqranın kəskin fazasında bu yeməkləri yemək olmaz.

Belə adamlar suda bişmiş pelmeni, xəngəl yeməlidir. Yağda qızarma növü ikiqat zərərlidir.

Telegramda izləyin