Bakıdan Şuşa və Ağdama avtobus səfərlərinin qrafiki və QİYMƏTLƏRİ AÇIQLANIB

Rəqəmsal İnkişaf və Nəqliyyat Nazirliyi yanvarın 24-dən Bakıdan Şuşaya və Bərdəyə həyata keçirilməsi planlaşdırılan avtobus səfərləri üzrə biletlərin qiymətlərini açıqlayıb.

BAKU.WS xəbər verir ki, bu barədə nazir müavini Rəhman Hümmətov məlumat verib. Onun sözlərinə görə, səfərlər Bakı-Şuşa, Bakı-Ağdam, Əhmədbəyli-Şuşa, Füzuli Hava Limanı-Şuşa və Bərdə-Ağdam istiqamətində səfərlər təşkil olunacaq:

"Artıq sınaq səfərləri olub və müvafiq ölçmələr olub. Əhmədbəyli-Şuşa üzrə həftədə 4 dəfə, digər istiqamətlərdə isə həftədə 2 dəfə olacaq. Bakı-Şuşa-Bakı üzrə biletin qiyməti 10,4 manat, Bakı-Ağdam-Bakı üzrə biletin qiyməti 9,4 manat, Əhmədbəyli-Şuşa-Əhmədbəyli üzrə biletin qiyməti 7, manat, Bərdə-Ağdam-Bərdə üzrə biletin qiymətyi isə 7 manat olacaq. Bu qiymətlər yalnız bir istiqamətədir. Vətəndaşlar gediş-gəliş biletlərini eyni vaxtda almalıdılar".

Bakıdan Şuşaya və Bərdəyə həyata keçirilməsi planlaşdırılan avtobus səfərləri üzrə biletlərin qiymətləri aşağıdakı kimidir:

Bakı-Şuşa-Bakı 10 AZN 40 qəpik

Bakı-Ağdam-Bakı 9 AZN 40 qəpik

Əhmədbəyli-Şuşa-Əhmədbəyli (ekpress) 7 AZN

Bərdə-Ağdam-Bərdə (ekpress) 5 AZN

Füzuli BHL-Şuşa-Füzuli BHL (ekpress) 6 AZN

Telegramda izləyin