Putin Çinə səfər edib - Himn əvəzinə görün nə səslənəcək

Rusiya prezidenti Vladimir Putin Çinə səfər edib. Səfər proqramına 2022-ci il Qış Olimpiya Oyunlarının açılış mərasimində iştirak və Çin lideri Si Cinpinlə danışıqlar daxildir.

Sonxeber.az ria.ru-ya istinadən verdiyi xəbərə görə, daha əvvəl Kremlin sözçüsü Dmitri Peskov bildirib ki, iki ölkə başçılarının görüşü oyunların açılış mərasimindən əvvəl baş tutacaq.

Putin və Si Cinpinin beynəlxalq məsələləri, o cümlədən Rusiyanın ABŞ və NATO ilə dialoqunu və təhlükəsizlik zəmanətləri ilə bağlı ideyaları, ikitərəfli əməkdaşlığın əsas istiqamətlərini, o cümlədən enerji, investisiya əməkdaşlığını, kosmos və s. üzrə qeydləri müzakirə edəcəkləri gözlənilir.

Qeyd edək ki, Ümumdünya Antidopinq Agentliyinin (WADA) sanksiyaları ilə əlaqədar olaraq, ruslar dövlət bayrağı altında çıxış edə bilməyəcək və onların şərəfinə dövlət himni səsləndirilməyəcək, əvəzində Pyotr Çaykovskinin konsertindən bir fraqmentdən istifadə olunacaq.

Aygün Osmanlı

Telegramda izləyin