60.000 illik Buz Dövrü fosilləri tapıldı: mamont, kərgədan, canavar

İngiltərə alimləri Buz Dövrünə aid bir çox heyvanın, o cümlədən mamont, kərgədan, canavar və hyenanın qalıqlarını tapıblar.

Sonxeber.az xarici KİV-ə istinadən məlumat verir ki, arxeoloqlar meqafauna (iri heyvanlar) qalıqlarının 30-60 min il əvvələ aid olduğunu bildiriblər.

Şerfordda tapılan canlıların daha uzun müddət ərzində birlikdə və ya fərqli nöqtələrdə yaşayıb-yaşamadığı isə hələlik aydın deyil. Belə bir fərziyyə var ki, yırtıcıların təqibi nəticəsində bu heyvanlardan bəziləri çuxura düşüb, qaça bilməyiblər. Tədqiqatçıların başqa bir fikrinə görə, heyvanlar başqa yerdə ölüb və sümükləri buraya gətirilib.

Alimlərin fikrincə, 30-60 min il əvvəl İngiltərənin iqlimi bugünkündən xeyli soyuq olub və bu kəşf elmə Britaniyanın Buz Dövrü ekosistemləri və qida zəncirləri haqqında yeni anlayışlar verəcək.

Aygün Osmanlı

Telegramda izləyin