"Məndən uzaq dur", "Mənə yaxınlaş"... - Sən demə, balıqlar 155 milyon ildir ki, "danışırlar"

Bir çox heyvanların tez-tez səslərdən istifadə edərək ünsiyyət qurması məlumdur. İndiyə qədər balıq bu canlılardan sayılmırdı. Sualtı akustik rabitə tədqiqatçıları balinalar və delfinlər üzərində araşdırma apardıqdan sonra bəzi balıqların minlərlə ildir səs çıxardığını bilsələr də, onların istisna olduğu düşünülürdü.

Sonxeber.az xarici mətbuata istinadən xəbər verir ki, "Ichthyology & Herpetology" adlı elmi jurnalda dərc edilən yeni araşdırmada balıqların nəsillərinin təhlil olunduğu və səsli ünsiyyət üsullarının son 155 milyon ildə ən azı 33 dəfə təkamül etdiyinin aşkarlandığı bildirilir.

Tədqiqat 34.000-dən çox növü (dünyada məlum olan balıq növlərinin 99 faizini) əhatə edən "Actinopterygii" nəslinə yönəldilib.

Tədqiqatçılar 175 balıq ailəsinin səs tellərinin üstünlükləri olmadan ünsiyyət qurmalarına imkan verən bir sıra üsulları inkişaf etdirdikləri də aşkarlayıblar.

Sözügedən heyvanların çoxalmaq, qida mənbəyini və ya ərazisini qorumaq üçün tez-tez səsli ünsiyyətə müraciət etdiyi bildirilir. Bunlara "Məndən uzaq dur", "Mənə yaxınlaş", "Yeməyimə toxunma" və ya "Orada kimsə varmı?" kimi sözləri əvəz edən səsli siqnallar daxildir.

Aygün Osmanlı

Telegramda izləyin