Daşqınlar həyatı iflic etdi: 400 sakin evsiz qaldı - VİDEO

Ötən həftə Braziliyanın Petropolis şəhərində şiddətli yağan yağışlar nəticəsində həyat iflic olub.

Sonxeber.az-ın məlumatına görə, baş verən sel və daşqınlar nəticəsində ölənlərin sayı bazar ertəsi günü 176-ya çatıb, 110-dan çox insan itkin düşüb, təxminən 400 sakin evsiz qalıb.

Dağıntılardan indiyə qədər 21 nəfər sağ çıxarılıb və hazırda mülki şəxslər də rəsmi bərpa işlərinə qoşulublar. Sağ qalanların olmasına ümid azalsa da, axtarışlar davam edir.

Petropolisdə yağan yağışlar təxminən bir əsrin ən güclü yağan yağışı olub, çünki təkcə çərşənbə axşamı günü yağan leysan bütün fevral ayı üçün orta göstəricini aşıb. Rionun şimalında yağan yağış isə şəhərdə sürüşmə və daşqınlara səbəb olub, küçələri, evləri palçıq çaylarına çevirib, avtomobilləri aparıb.

Daşqının görüntülərini təqdim edirik:

Aysel SƏFƏRZADƏ

Telegramda izləyin