Daha bir ölkə Putinə girişi qadağan etdi

Avstraliyanın Baş naziri Skot Morison Rusiyaya qarşı tətbiq edilən sanksiyalarla bağlı nazirliyin rəsmi internet saytında yazılı açıqlama verilib.

Sonxeber.az xəbər verir ki, Rusiyanın beynəlxalq hüququ və Birləşmiş Millətlər Təşkilatının Konvensiyasını kobud şəkildə pozduğunu ifadə edən Morison Putinin Ukraynaya qarşı apardığı dəhşətli və ədalətsiz müharibəyə görə məsuliyyət daşıdığını bildirib:

"Avstraliyanın tətbiq edəcəyi maliyyə sanksiyaları və səyahət qadağaları Rusiya prezidenti Vladimir Putin, xarici işlər naziri Sergey Lavrov, müdafiə naziri Sergey Şoyqu, Baş nazir Mixail Mişustin və daxili işlər naziri Vladimir Kolokoltsevə qarşı tətbiq olunacaq. Eyni zamanda, Belarusdan hücumlar təşkil etməsinə icazə verdiyinə və Putinin təcavüzünə kömək etdiyinə görə Belarusun müdafiə naziri Viktor Xrenin də daxil olmaqla, 13 belarusiyalı şəxs və təşkilata sanksiyalar tətbiq etdik".

Avstraliyanın tətbiq etdiyi sanksiyalar çərçivəsində Rusiya Mərkəzi Bankının, eləcə də fiziki şəxslərin beynəlxalq ehtiyatlarını və investisiyalarını zəiflətmək üçün məhdudlaşdırıcı tədbirlər də həyata keçirilib.

Sanksiyalar həmçinin Rusiya banklarının "SWIFT" kodlarını qlobal ödəniş mesajlaşma sistemindən kəsmək, Rusiyanın ticarət və investisiya axınını pozmaq və Rusiya iqtisadiyyatına ciddi zərbə vurmaq məqsədi daşıyır.

Aygün Osmanlı

Telegramda izləyin