Rusiyaya tabut axını artmasa Moskva dayanmayacaq - Dünya müharibəsi başlayır?

"Mövcud vəziyyətin Ukraynanın xeyrinə olduğunu deyərdim".

Sonxeber.az bildirir ki, bunu Milli.Az-a açıqlamasında Kiyev Dünya Siyasət İnstitutunun dosenti, politoloq Yevqeni Maqda deyib.
Ukraynalı siyasi analitik bildirib ki, Qərbin sanksiyaları Rusiyanı məqsədindən döndərməyə kifayət etməyəcək:

"Rusiya ağır itkilər verir, ordusu ruhdan düşüb. Bu səbəbdən dinc şəhərlərə vəhşicəsinə raket zərbələri endirir.

Müharibə başlayandan bəri Ukrayna və Rusiya nümayəndə heyyətləri arasında ikinci dəfə görüş nəzərdə tutulur. Amma hər hansı bir razılaşmadan danışmaq tezdi, atəşkəs olmadığı halda bundan söhbət belə gedə bilməz.

Qərbin sanksiyaları Rusiyanı cilovlamaq üçün kifayət deyil. Mütləq şəkildə Rusiyaya tabut axını artmalıdır ki, Kreml dayanmaq barədə düşünsün. Bundan əlavə Rusiyanın hücumdan əl çəkib geri çəkilməsi üçün rusların həyat səviyyəsinin aşağı düşməsi lazımdır.

Ukrayna savaş meydanında Rusiyanın qarşısında təkdir. Fikrimcə ABŞ, Qərb Rusiyanı dayandırmaq üçün bundan sonra da hər hansı bir hərbi müdaxilə etməyəcək.

Rusiya-Ukrayna müharibəsinin nəticəsinin necə olacağını indiki situasiyada qabaqcadan proqnozlaşdırmaq qeyri-mümkündür. Çünkü Putin irrasionaldır, onun nə edəcəyini, növbəti dəfə hansı qərarı verəcəyini özündən başqa heç kim bilmir".

Telegramda izləyin