"Təslim olmayan rus əsgərləri itlərə yem olacaq" - Ukraynalı generaldan xəbərdarlıq

Rusiya-Ukrayna müharibəsi 17 gündür davam edir. Döyüşdə hər iki tərəfin itkiləri çoxalır. Rusiya qüvvələri Qara dəniz yolunda Nikolayevin əsas strateji hədəfini mühasirəyə aldığı bir vaxtda bölgədəki ukraynalı komandir general Dmitri Marçenko açıqlamaları ilə diqqət çəkib. Təslim olan rus əsgərləriylə ədalətli rəftar ediləcəyinə söz verən general, təslim olmayan digər rus əsgərlərinin itlərə yem olacağı xəbərdarlığını edib.

Regional qarnizonun komandiri, ukraynalı general Dmitri Marçenko dəf edilən hücumlardan sonra küçələrin rus cəsədləri ilə dolu olduğunu söyləyib:

 "Bunu demək xoş deyil, amma onların meyitləri sahibsiz itlər üçün yemdir. Rusiya bu ərazilərə hücum etdiyi üçün biz meyitləri toplayıb geri apara bilmirik. Biz həmçinin təmin edirik ki, Rusiya tank ekipajları əsas silahları bizdən uzağa doğru yönəldərək sıramıza gəlsələr, onlara heç bir zərər dəyməyəcək. Onlar cinayət törədiblərsə, mühakimə olunacaqlar, amma sağ qalacaqlar. Qalanları it yemi olacaq"-deyə general bildirib. /Moderator

Telegramda izləyin