Ukraynada "yaşıl" dəhlizdən istifadə etmək istəyən əhali atəşə tutulub: Ölənlər var

Rusiya silahlı qüvvələrinin hərbçiləri Kiyev vilayətində içində qadın və uşaqların olduğu maşın karvanını gülləbaran ediblər.

Məlumata görə, hadisə dinc əhalinin Peremoqa kəndindən (Barışevski rayonu) Ostroluçye kəndinə doğru – Rusiya Federasiyası ilə razılaşdırılmış "yaşıl" dəhliz boyunca evakuasiyası zamanı baş verib.

"Bu vəhşi hərəkətin nəticəsində yeddi mülki şəxs həlak olub. Onlardan biri uşaqdır. Yaralıların dəqiq sayı hələlik məlum deyil", - Ukrayna Müdafiə Nazirliyinin Kəşfiyyat İdarəsinin məlumatında qeyd olunur.

Məlumatda həmçinin qeyd olunur ki, Rusiya ordusu sağ qalanları kəndə qayıtmağa məcbur edib və onlara yaşadıqları yeri tərk etməmək barədə xəbərdarlıq edilib./Moderator

Telegramda izləyin