Yaponiyadakı zəlzələ insan tələfatına səbəb olub - YENİLƏNİB + VİDEO

Yaponiyanın şimal-şərqində baş verən güclü zəlzələ nəticəsində bir nəfər ölüb, azı 69 nəfər xəsarət alıb.

Bu barədə NHK telekanalı məlumat yayıb. Böyük dağıntılar barədə məlumat verilməyib.

Fukusima və Miyaqi prefekturalarında 130 minə yaxın ev işıqsız qalıb.

Tokio da daxil olmaqla şərq prefekturalarında elektrik enerjisinin verilişi bərpa edilib.

Seysmoloqlar bir həftə ərzində yeraltı təkanların təkrarlanacağı barədə xəbərdarlıq ediblər./Oxu.az

20:15
Yaponiyanın şimal-şərqində güclü zəlzələ baş verib.

Bu barədə yerli meteorologiya idarəsi məlumat verib.

Zəlzələnin maqnitudası 7,3 ​​bal olub. Ölkədə sunami təhlükəsi ilə bağlı xəbərdarlıq edilib.

Yaponiyanın meteorologiya idarəsindən verilən məlumata görə, artıq Miyaqi prefekturasında bir metr hündürlüyündə sunami qeydə alınıb.

İlk dalğalar 10-15 dəqiqəyə şimal-şərq sahillərindəki Miyaqi və Fukusima prefekturalarına çatacaq. Yerli sakinlərdən sahil zolağına yaxınlaşmamaq xahiş olunur.

Telegramda izləyin