"Qalib xalqın nümayəndəsi olmaq hər millətə nəsib olan xoşbəxtlik deyil" - DEPUTAT

"İkinci ildir ki, Azərbaycan xalqı bütün milli, dini və dövlət bayramlarını qalib ölkənin vətəndaşları kimi qeyd edir.

Bunu Sonxeber.az-a danışan deputat Nəsib Məhəməliyev bildirib.

Deputat qeyd edib ki, təbii ki, hər kəs bunun fərqli, şərəfli və qürurlu bir hiss olduğunun fərqindədir:

"44 günlük Vətən müharibəsində əldə etdiyimiz möhtəşəm qələbə təkcə bayramların qeyd olunmasını deyil, ümumilikdə vətənimizdə və dünyanın müxtəlif ölkələrində yaşayan soydaşlarımızın həyatını dəyişib. Çünki qalib xalqın nümayəndəsi olmaq, Vətən torpaqlarını işğaldan azad etmək hər millətə nəsib olan xoşbəxtlik deyil. Bu xoşbəxtliyi bizlərə bəxş edən Ali Baş Komandan, onun rəhbərlik etdiyi Müzəffər Azərbaycan Ordusu və ərazi bütövlüyümüz uğrunda canlarından, sağlamlıqlarından keçən müqəddəs şəhidlərimiz, qazilərimiz, veteranlarımızdır. Allah şəhidlərimizə rəhmət, qazilərimizə şəfa versin".

Deputat vurğulayıb ki, bayramların Şuşada və işğaldan azad olunmuş digər bölgələrdə qeyd olunmasının əhəmiyyəti son dərəcə böyükdür:

"Ərazilər minalardan təmizlənir, irimiqyaslı infrastruktur layihələri həyata keçirilir, mədəni, tarixi və dini abidələr bərpa olunur. Sürətlə Böyük Qayıdışa hazırlıq işləri gedir və torpaqlar əsl sahiblərinə qaytarılır. Tədricən həyat öz axarına düşür. Əlbəttə, bütün bunlar cənab Prezident İlham Əliyevin uzaqgörən siyasətinin nəticəsi və dövlətimizin gücünün göstəricisidir. Təbii ki, düşmən hər şeyi görür və nəticə çıxarır. Yeri gəlmişkən, xalqımızın sevimli bayramı olan Novruzun gəlişi ilə bağlı hər kəsi təbrik edir, möhkəm can sağlığı, ruzi-bərəkət, və əmin-amanlıq arzulayıram".

Aysel Yusifqızı

Telegramda izləyin