Zelenski: "Putinlə görüş olmadan Rusiyanın nəyə hazır olduğunu anlamaq mümkün deyil"

Ukrayna Prezidenti Volodimir Zelenski hesab edir ki, rusiyalı həmkarı Vladimir Putinlə görüşü olmadan onların müharibəni dayandırmaq üçün nə etməyə hazır olduqlarını anlamaq mümkün deyil.

Onun sözlərinə görə, ilk növbədə, Rusiyanın müharibəni dayandırmaq istəyib-istəməməsinin ümumən anlaşılacağı formatı tapmaq lazımdır.

"Prinsipcə bunu istəyirmi və bacarırmı? Əgər biz başa düşsək ki, o, bunu bacarır, bir çox şeyə görə problemləri olacaq... Mən hesab edirəm ki, Rusiya Federasiyasının Prezidenti ilə hər hansı bir formatda görüşüm olmadan, siz sona qədər onların müharibəni dayandırmağa hazır olub-olmadıqlarını başa düşməyəcəksiniz. Və anlamayacaqsınız ki, biz müəyyən kompromislərə getməsək, onlar nə edəcəklər", - deyə dövlət başçısı bildirib./Oxu.az

Telegramda izləyin