""Dəmir Yumuruq" yerindədir və biz nəyi, nə zaman və necə edəcəyini yaxşı bilən liderə sahibik" - Emil Əkbərov

"Fərrux zirvəsinin tam bizim nəzarətimizə keçməsi Ali Baş Komandanın və Müzəffər Azərbaycan ordusunun gücünü bir daha sübut etdi".

Bunu Sonxeber.az-a danışan "BİG Media" MMC-nin rəhbəri Emil Akbarov bildirib.

O vurğulayıb ki, Azərbaycan hər zaman beynəlxalq sazişlərə, müqavilələrə və razılaşmalara hörmətlə yanaşır:

"Amma təəssüf ki, bunu Ermənistana şamil edə bilmirik. Hər zaman olduğu kimi, Ermənistan tərəfi törətdiyi təxribatlarla imzlanan 10 noyabr bəyanəməsinin şərtlərini pozmaqda davam edir. Bu ölkə unutmamalıdır ki, "Dəmir Yumuruq" yerindədir və biz nəyi, nə zaman və necə edəcəyini yaxşı bilən liderə sahibik. Xocalının Fərrux kəndinin də post-münaqişə dövründə tam bizim nəzarətimizə keçməsi Ali Baş Komandanın hərbi-siyasi gücünü bir daha sübut etdi. Biz regionda və torpaqlarımızda müharibə deyil, sülh, əmin-amanlıq istəyirik. Vətən müharibəsinə qədər münaqişəni sülh yolu ilə həll etməyə çalışıdıq. Lakin illərlə bizə qarşı yürüdülən siyasət və Ermənistan tərəfinin atəşkəsi pozması, davamlı təxribatları Azərbaycanı münaqişəni hərb yolu ilə həll etməyə məcbur etdi. Ali Baş Komandanın rəhbərliyi ilə 44 gün ərzində tarix yazan Azərbaycanın Müzəffər Ordusu hələ də tarix yazmağa davam edir".

Emil Əkbərov vurğulayıb ki, Xocalının Fərrux kəndinin tam bizim nəzarətimizə keçməsi növbəti dəfə Azərbaycan xalqına qürur və qələbə hissi yaşatdı:

"Martın 27-də Fərrux kəndinin tam bizim nəzarətimizə keçməsi 44 günlük Vətən müharibəsində yaşadığımız o gözəl hissləri bizə yenidən xatırlatdı. Bu gözəl qələbə hissini bizə yaşadan Müzəffər Ali Baş Komandana və Azərbaycan Ordusuna təşəkkür edirəm".

Aysel Yusifqızı

Telegramda izləyin