"Azərbaycan əsgəri cəmi 40 dəqiqəyə Lələtəpə yüksəkliyini azad etməklə erməni miflərini dağıtdı"

"2016-cı ilin Aprel döyüşləri, müasir Azərbaycan tarixində özünəməxsus şərəfli yer tutur".

Bunu Sonxeber.az-a açıqlamasında deputat Nəsib Məhəməliyev bildirib.

Deputat qeyd edib ki, Aprel döyüşlərinə qədər işğalçı Ermənistan bütün dünyaya car çəkərək, məğlubedilməz, intellektual orduya malik olması, keçilməz Ohanyan xətti ilə öyünür, heç bir dövlətin onlarla güc dili ilə danışa bilməyəcəkləri ilə fəxrlə təbliğat aparırdılar:

"Lakin qəhrəman Azərbaycan əsgəri cəmi 40 dəqiqə ərzində strateji cəhətdən əhəmiyyətli Lələtəpə yüksəkliyini azad etməklə erməni miflərini dağıtdı. Bununla da, xalqın öz Liderinə, öz ordusuna inamı daha da artdı. Hesab edirəm ki, məhz, aprel döyüşlərində 44 günlük Vətən müharibəsində əldə olunan möhtəşəm qələbənin əsası qoyuldu.

Digər tərəfdən, Aprel döyüşlərindən sonra kriminal "Qarabağ klanı"nın Ermənistandakı siyasi hökmranlığına son qoyuldu. Aprel döyüşlərindən qısa müddət sonra Naxçıvanın Günnüt kəndinə məxsus 11 min hektar ərazi xüsusi əməliyyətla işğaldan azad edildi.

Hesab edirəm ki, 2016-cı ilin Aprel döyüşləri daim yad ediləcək, döyüşlər zamanı canlarından keçmiş şəhidlər əbədi olaraq xatırlanacaqlar. Allah onlara rəhmət eləsin!"

Aysel Yusifli

Telegramda izləyin