Klubdakı partlayışa görə zərərçəkənlərə kompensasiya veriləcək?- AÇIQLAMA

Bir neçə gün əvvəl paytaxtın Səbail rayonunda fəaliyyət göstərən "Location" gecə klubunda partlayış baş verib.

Bəs partlayışa görə zərərçəkənlərə kompensasiya ödəniləcəkmi?

Məsələ ilə bağlı Sonxeber.az-ın suallarını ekspert İlkin Nəcəfov cavablandırıb.

O bildirib ki əgər obyektin özünün daşınmaz əmlakın icbari sığortası varsa, obyektə dəyən ziyanı sığorta şirkəti qarşılamalıdır:

"O da real bazar qiymətindən fərqli kateqoriyada, münasib olan tarif üzrə ödənilir. Zərərçəkənlərə gəldikdə isə, əgər 120 manat ödəyib 100.000-lik daşınmaz əmlak istismarı ilə bağlı sığortası varsa, bu, mülki məsələnin icbari sığortasıdır. Bunu adətən obyektlərdən Yanğından Mühafizə Xidmətinin əməkdaşları tələb edirlər.

120 manat ödəyib alacağı təzminat 100.000 manat olsaydı,bütün şəxslərin səhhətinə, əmlakına 100.000 manata qədər vurulan zərərə görə zərərçəkənlərə kompensasiya ödənilir.

Əgər fiziki şəxsdirsə, mütləq VÖEN olmalıdır. VÖEN yoxdursa, əgər sahibkar deyilsə, o zaman istismarla bağlı yaranan sığorta icbari deyil.

Hadisə baş verən obyekt fiziki şəxsə aid olsa belə, həmin kəs VÖEN-i olan biri olub və obyekti sığorta edə bilərdi. Əgər sığortası varsa, daşınmaz əmlak üzrə icbari sığorta obyektin qapısına, pəncərəsinə, tavanına dəyən ziyanı qarşılaya bilər. Partlayış nəticəsində üçüncü şəxslərin aldığı zərər və xəsarətlər, əmlaka dəyən ziyan 100.000 manata qədər qarşılana bilər".

Aysel Quliyeva

Telegramda izləyin