Məşhur aktyor televiziyadan niyə getdiyini AÇIQLADI - VİDEO

"Başa düşürdüm ki, bunun arxasında hansısa nailiyyət, reytinq, qazanc var. Amma bu mənə zidd idi"

Sonxeber.az-ın məlumatına görə, bu sözləri aktyor və rejissor İlham Qasımov "Söhbətgah" "YouTube" kanalındakı verilişdə televiziyalarda olan vəziyyətlə bağlı danışarkən söyləyib.

Maraqlı fikirlər səsləndirən aktyorun sözlərinə görə, hazırda adam televiziyaya baxanda utanmır:

"Mən əvvəllər deyirdim ki, "televiziyaya indi baxan yoxdur, necə olacaq?" 20 il ərzində keyfiyyətli bir məhsul görmürdüm. Amma hazırda adam televiziyaya baxanda utanmır. Mənim TV-dən də getməyimin birinci səbəbi o idi ki, hara gedirdim "Ay kişi, TV niyə bu gündədir?" deyirdilər. Söhbət 2002-2003-cü illərdən gedir. Mən o zaman cavab verə bilmirdim. Nə cavab verəsən axı?! Başa düşürdüm ki, bunun arxasında hansısa nailiyyət, reytinq, qazanc var. Amma bu mənə zidd idi. Ona görə TV ilə sağollaşdım. İndiki vəziyyətlə isə mən razıyam".

Aysel SƏFƏRZADƏ

Telegramda izləyin