Televizordan imtina etdi və 45 min manat xərcləyib zirzəmisini nəhəng akvariuma çevirdi - FOTO-VİDEO

Böyük Britaniyada balıq həvəskarı olan 49 yaşlı Cek Hitkot evinin zirzəmisini nəhəng akvariuma çevirib.

BiG.AZ xəbər verir ki, bu barədə "The Sun" yazır.

400 sakini olan bu akvariumun hazırlanmasına, balıqların əldə edilməsinə, yemlərinə, texniki xidmətə ümumilikdə Hitkot 20 min funt sterliq (təxminən 45 min manat) xərcləyib.

5 yaşında "qızıl balığı" olan Cek elə o vaxtdan bu canlılara maraq göstərməyə başlayıb. 10 yaşında Blekpulda okeanariumu ziyarət etdikdən sonra isə bu maraq daha da artıb. Balıq sevgisi zamanla onda hobbiyə çevrilib və Hitkot evinin bir hissəsini buna ayırmaq qərarına gəlib.

Onun sözlərinə görə, zirzəmidə hazırladığı akvariumun Böyük Britaniyanın ən böyük akvariumudur. Onun tikintisinə 6500 funt sterlinq (təxminən 15 min manat) xərcləsə də, Cek sərf etdiyi pula və zamana görə peşman deyil. Balıqları izləməkdən zovq aldığını deyən Hitkotun sözlərinə görə, məhz bu akvarium sayəsində o, televizordan imtina edib və balıqlara baxmaqla dincəlir.

2 metr dərinliyində olan akvariuma 18 min litr su yerləşir. akvariumun ağırlığı isə 22 tondur. Bu. ailə avtomobilindən 12 dəfə ağırdır.

İlk zamanlarda akvariumunda ekzotik balıqlar çox olub, lakin bu həcmdə suyu qızdırmaq aya 200 funt sterlinqə (təxminən 450 manat) başa gəldiyi üçün 2016-cı ildə Cek soyuq sularda üzən balıqlara üstünlük verməyə başlayıb, bəzi balıqlarını isə özü yaxınlıqdakı göldə tutub.

Onun sevgilisi bu hobbidən narahat deyil, hətta özü də balıqlara bağlanıb sevdiyini etiraf edir.

Telegramda izləyin