Pentaqon Ukrayna üçün silah istehsalı imkanlarını artırmaq istəyir

ABŞ Ukraynanın tələb etdiyi silahların istehsalını sürətləndirmək yollarını axtarır.
Bu barədə "Reuters" yazıb.

Söhbət minimal təlim tələb edən və tez bir zamanda Ukraynaya ixrac oluna bilən sübut edilmiş, effektiv silahlar üçün əlavə potensial yaratmaq imkanlarından gedir.

Pentaqon zenit, tank əleyhinə, piyada əleyhinə, sahil müdafiəsi sistemlər, pilotsuz uçuş aparatları və radio və ya peyk internet kimi rabitə ilə bağlı silah və ya kommersiya imkanları haqqında məlumat istəyib.

Qərb ölkələri Donbas uğrunda həlledici döyüşün aparılacağı müharibənin ikinci mərhələsi başlamazdan əvvəl Ukraynanı tələb etdiyi ağır silahlarla təchiz etməyə başlayıblar.

Ölkənin şərqində və cənubunda Rusiya tərəfindən işğal olunmuş ərazilərin azad edilməsi və əks-hücumların həyata keçirilməsi üçün çoxlu sayda hücum silahından istifadə ediləcəyi gözlənilir.

Telegramda izləyin