"Artıq 6-cı gündür ki, Rusiya şərqdə zəif yerimizi tapa bilmir"

Artıq altıncı gündür ki, Rusiya işğalçı qoşunları ölkəmizin şərqində Ukrayna Silahlı Qüvvələrinin müdafiəsinin zəif yerlərini tapa bilmir. AzVision.az xəbər verir ki, bunu Prezident Ofisi rəhbərinin müşaviri Aleksey Aretoviç deyib.

- Gün ərzində Ukrayna ətrafında hərbi-siyasi vəziyyət ciddi şəkildə dəyişməyib. Düşmən əsas səylərini Slavyansk-Kramatorsk istiqamətində cəmləməkdə davam edir, Qulyaypol şəhəri istiqamətində hücumu inkişaf etdirməyə çalışır. Aktiv hücum-axtarış əməliyyatları aparır, müdafiəmizin zəif tərəflərini tapmağa çalışır ki, əsas zərbəni ora yönəltsin. Lakin altıncı gündür ki, buna nail ola bilmir, - Aretoviç vurğulayıb.

Həmçinin, müşavir qeyd edib ki, düşmən yenidən qruplaşır.

- Biz bu yenidən qruplaşmanın nəticələrini gözləyəcəyik. Nə isə mənə deyir ki, onlar məyus olacaqlar, - Aretoviç deyib.

Telegramda izləyin