Paşinyanın "Artsax" sayıqlamasının SƏBƏBİ: "Rusiya prosesi pozmağa çalışır"

"Bəllidir ki, sülh prosesi Rusiyanın nəzarətindən çıxmağa başlayıb. Avropa Birliyi artıq moderatorluğu öz üzərinə götürür. Ona görə də Rusiya bütün vasitələrlə sülh prosesini pozmağa çalışır".

Bu fikirləri müsahibəsində Aydınlar partiyasının sədri Qulamhüseyn Əlibəyli bildirib.

Partiya sədri fikirlərinin davamında Paşinyanın ""Artsax" xalqının razılığı olmadan hər hansı müqavilə imzalana bilməz" açıqlamasını Azərnbayacan qarşı təxribat kimi qiymətləndirib:

"Yəqin ki, Ermənistan və Rusiya arasında müəyyən razılıq əldə olunub. Bu cür eybəcər, reallığa uyğun olmayan açıqlamaların verilməsinin də səbəbi budur. Qarabağ problemi hərbi cəhətdən öz həllini tapıb. İndi söhbət Azərbaycanla Ermənistan arasında sülh müqaviləsinin imzalanmasından gedir. Azərbaycanın ərazisinin bir hissəsində yaşayan insanların şıltaqlıqları sülh prosesinin şərti kimi nəzərdən keçirilə bilməz".

Qulamhüseyn Əlibəylinin sözlərinə görə, Paşinyanın bu açıqlaması Ermənistanın Brüsseldə əldə olunan razılaşmadan boyun qaçırmağa çalışdığının göstəricisidir:

"Hesab edirəm ki, gec-tez bu məsələ Azərbaycanın xeyrinə müsbət həll olunacaq"./Bizim.Media

Telegramda izləyin