İlon Mask tviterin ödənişli olacağını açıqladı

Dünyanın ən zəngin adamı, "SpaceX" və "Tesla" şirkətlərinin qurucusu İlon Mask 44 milyard dollara aldığı tviter platformasını qismən ödənişli edəcəyini açıqlayıb.

Axşam.az xəbər verir ki, bu barədə o, sosial media hesabında paylaşım edib. Onun sözlərinə görə, bu, kommersiya və dövlət hesablarına təsir edəcək, digər sadə istifadəçilər üçün isə platforma pulsuz olaraq qalacaq.

"Tviter ümumi istifadəçilər üçün həmişə pulsuz olacaq, lakin kommersiya, hökumət hesabları üçün kiçik ödənişlər tələb oluna bilər".

Həmçinin, Mask sosial şəbəkə istifadəçiləri üçün yeni imkanların olacağını bildirib. Belə ki,"Circle" funksiyası sayəsində nəşrlər yalnız məhdud istifadəçilər tərəfindən görünə biləcək.

Bundan əlavə, "Wall Street Journal" bir neçə ildən sonra tviterin əvvəlki kimi yenidən ictimai şirkətə çevrilə biləcəyi və sosial şəbəkə səhmlərinin birjalarda alına biləcəyi barədə məlumatlar dərc edib.

Telegramda izləyin