Madonna illər sonra Papaya müraciət etdi - "Görüşə bilərik?"

Qalmaqallı müğənni Madonna açıq şəkildə Papa Fransisə müraciət edərək, kilsə ilə yaşadığı problemlə bağlı "ona qarşı ədalətsiz münasibəti" müzakirə etmək üçün görüşməyi təklif edib.

"Qafqazinfo" xəbər verir ki, Madonna tviter səhifəsində yazıb:

"Mən hörmətli bir katolikəm, and içirəm... Son etirafımdan bir neçə onilliklər keçib. Vacib məsələləri müzakirə etmək üçün sizinlə görüşə bilərəm? Məni üç dəfə kilsədən qovdular. Bu, haqsızlıqdır. Hörmətlə, Madonna".
Xatırladaq ki, Madonna ilə kilsə arasındakı qarşıdurma çox uzun tarixə malikdir. Müğənni karyerası ərzində dəfələrlə ictimaiyyətin narazılığına səbəb olub. Məsələn, 1989-cu ildə "Dua kimi" adlı videoçarxda yanan xaçların və Məsih rolunu oynayan qaradərili gəncin görüntüləri əks olunub.

2006-cı ildə afrikalı QİÇS qurbanlarına həsr olunmuş "Love to tell" mahnısının səhnələşdirilməsi katolik ruhanilərinin kəskin tənqidinə səbəb oldu.

Madonna "çarmıxa çəkilərək" tikanlı tacda mahnı ifa t etdi. Kardinal Ancelo Sodano bunu "küfr edən murdarlıq" və "zamanımızda hökm sürən səthiliyin simvolu" adlandırmışdı.

Bundan əlavə, katolik kilsəsinin iyerarxları müğənninin təxəllüsü kimi Tanrının anasının adını seçməsinə də diqqət çəkib.

Telegramda izləyin

instagramda izləyin