Nadir oğlunun toyuna Əlikramı niyə çağırmadı? - Müğənnidən AÇIQLAMA

Xəbər verdiyimiz kimi, müğənni Nadir Qafarzadə bir neçə ay öncə oğluna toy edib. Həmin toyda müğənni Əlikram Bayramov iştirak etməyib. "ARB" telekanalında yayımlanan "Həmin Zaur" verilişində Bayramov gileylənib. Bəziləri hətta bu hadisəyə görə Əlikramla Nadirin arasında incikliyin olduğunu deyirlər.

Məsələyə aydınlıq gətirən Nadir Qafarzadə Sonxeber.az-a açıqlamasında yayılan şayiələri təkzib edib.

O, Əlikram Bayramovu dəvət etməməsinin səbəbini belə izah edib:

"Mənim oğlumun toyu elə bir vaxta təsadüf etdi ki, toyda 150 nəfərdən artıq adam iştirak edə bilməzdi. Biz qız-oğlan toyunu qudamla birlikdə etməyə qərar verdik. Hər iki tərəfdən 75 adam dəvət etdik. Qonaq çox gəldi deyə, ərk etdiklərimi hətta yuxarı qaldırdım. Düzü, mən çox adam dəvət etmədim, edə bilmədim. Hətta qohumlarımdan da çağırmadıqlarım oldu, bəzilərini isə tək çağırdım. Hər evdən biri gəldi. Çünki həmin dönəmdə o tələb olunurdu. Bu, saymamazlıq deyildi. Çoxu da dəvət etmədiyimə görə məndən incidi. Vallah, o, pandemiya vəziyyəti ilə əlaqəli idi. Mən özüm Əlikramın da, digərlərinin də övladlarının toyunda iştirak etmişəm.

Vallah, demişdim artıq müsahibə verməyəcəyəm. Bəzən yalan xəbər yazırlar, demədiyim sözləri yazırlar. Adam qorxur ki, yenə danışaram başqa formada yazarlar".

ZARİNA

Telegramda izləyin