Azərbaycanı "Avroviziya"da təmsil edənlər indi nə işlə məşğuldurlar? - VİDEO

Azərbaycanı "Avroviziya"da təmsil edənlər indi nə işlə məşğuldurlar? - VİDEO"Avroviziya" - 1956-cı ildən bəri Avropa Yayım İttifaqına üzv olan ölkələr arasında keçirilən mahnı müsabiqəsidir. 2007-ci ildə İctimai Televiziya Avropa Yayım İttifaqına üzv oldu. Bundan bir il sonra Azərbaycan ilk dəfə bu müsabiqəyə qatıldı.

Oxu.Az 2008-ci ildən bu günə kimi ölkəmizi təmsil edən iştirakçılar haqda araşdırma aparıb.

Azərbaycanın "Avroviziya" mahnı müsabiqəsində ilk təmsilçiləri Elnur Hüseynov və Samir Cavadzadə olub. 2008-ci ildə Belqradda keçirilən müsabiqədə onlar "Day after day" mahnısını duet oxuyaraq 132 balla 8-ci yer tutublar.

Müsabiqədən sonra Samir Cavadzadə efirdən uzaqlaşıb. 2010-cu ildən Samir "Səninlə birlikdə", "İnsafsızlar", "Təkcə sənə bağlanıb qəlbim", "Bu da son" adlı mahnıları ilə efirə qayıdıb. "Avroviziya"dan sonra yollarını ayıran Samir və Elnur həmin vaxtdan bəri karyeralarını təklikdə davam etdirirlər.

Elnur Hüseynov 2015-ci ildə "O səs Türkiyə" yarışında qalib olduqdan sonra əsasən qardaş ölkədə yaşayıb-işləməyə başlayıb. O ən son Aygün Kazımovanın qızı İlqarə Kazımova ilə "Dəniz" adlı dueti ilə gündəmə gəlib.

Müğənni Aysel Teymurzadə 2009-cu ildə Moskva şəhərində keçirilən 54-cü "Avroviziya" mahnı müsabiqəsində ölkəmizi təmsil edib. Teymurzadə müsabiqədə 207 xalla üçüncü yeri tutub. O, İran əsilli İsveç müğənnisi Araş ilə birlikdə "Always" mahnısını ifa edib.

Aysel 2012-ci ildə Xalq artisti, pianoçu Murad Adıgözəlzadə ilə ailə həyatı qurduqdan sonra müğənnilik fəaliyyətini dayandırıb.

Müğənni Səfurə Əlizadə Azərbaycanı 2010-cu ildə Oslo şəhərində keçirilən yarışda təmsil edib. "Drip-drop" mahnısını ifadə edən Səfurə müsabiqədə 145 xalla beşinci yeri tutub.

S.Əlizadə 5 iyul 2013-cü ildə Bodrumda Fərhad Əliyevlə ailə həyatı qurub, hazırda cütlüyün üç övladı var.

Səfurə "Avroviziya" mahnı müsabiqəsindən sonra sevilsə də, hazırda müğənni kimi fəaliyyət göstərmir.

İlk dəfə "Avroviziya" mahnı müsabiqəsində ölkəmizə qalib olmaq sevincini yaşadanlar isə 2011-ci ildə Eldar Qasımov və Nigar Camal olublar.

Onlar "Running scared" mahnısını ifa edərək 221 xalla birincilik qazanıblar.

Nigar Camal bu gün də ifaçılıq fəaliyyətini uğurla davam etdirir. O, son olaraq iki ay öncə rəsmi "YouTube" səhifəsində "Gəl qucaqla məni" adlı klipini təqdim edib.

Eldar Qasımov da duet ortağı Nigar Camal kimi ifaçılıq fəaliyyətini uğurla davam etdirir. Hazırda isə Eldar Qasımov "Avroviziya-2022"dəki təmsilçimiz Nadir Rüstəmliyə İtaliyanın Turin şəhərində öz dəstəyini göstərir.

2012-ci ildə ölkəmizi "Avroviziya"da Əməkdar artist, müğənni Səbinə Babayeva təmsil edib.

O, Bakı şəhərində keçirilən 57-ci "Avroviziya" mahnı müsabiqəsində "When the music dies" mahnısını ifa edib və 150 xalla dördüncü yeri tutub.

26 sentyabr 2012-ci ildə Səbinə Babayeva rejissor Cavidan Şərifov ilə ailə həyatı qurub. Səbinə hazırda estrada müğənnisi olaraq fəaliyyətini davam etdirir.

2013-cü ildə Malmödə keçirilən "Avroviziya" mahnı müsabiqəsində ölkəmizi Fərid Məmmədov təmsil edib. Fərid "Hold me" mahnısını ifa edərək 234 xalla ikinci yerdə qərarlaşıb. ABŞ-a köçən Fərid Kaliforniya ştatının Los-Anceles şəhərində yaşayıb. Fəridin orada kuryer olaraq çalışdığı barədə məlumatlar yayılıb.

2014-cü ildə Azərbaycanın "Avroviziya"da təmsilçisi Dilarə Kazımova olub.

Dilarə mayın 6-da Danimarkanın paytaxtı Kopenhagendə keçirilmiş I yarımfinal mərhələsində 8-ci nömrə altında "Start a fire" mahnısını ifa edib. Dilarə müsabiqədə 22-ci yeri tutub.

Tez-tez paylaşımları ilə gündəm olan Dilarə ən son "Olmaram" adlı klipini təqdim edib.

Səmra Rəhimli Azərbaycanı 2016-cı ildə Stokholm şəhərində keçirilən 61-ci "Avroviziya" mahnı müsabiqəsində təmsil edib. Səmra "Miracle" mahnısı ilə final mərhələsində ölkəyə 17-ci yeri qazandırıb.

Fərqli tərzdə geyimləri və ifaları ilə gündəmdə olan ifaçı ən son rəsmi "YouTube" səhifəsində "Ad günü" mahnısını təqdim edib.

2017-ci ildə ölkəmizi "Avroviziya"da Diana Hacıyeva təmsil edib. Diana Kiyevdə keçirilən müsabiqədə "Skeletons" mahnısını ifa edərək 120 xalla 14-cü pillədə qərarlaşıb. Ana olduqdan sonra Diana səhnədən hələlik uzaqlaşıb.

Aysel Məmmədova 2018-ci ildə "X My Heart" mahnısı ilə Azərbaycanı Portuqaliyanın paytaxtı Lissabonda keçirilən "Avroviziya" mahnı müsabiqəsində təmsil edib. O, yarımfinalda yetərli səs toplamadığı üçün finala keçə bilməyib.

Aysel son olaraq rəsmi "YouTube" səhifəsində "Alone with you" mahnısını təqdim edib.

Çingiz Mustafayev 2019-cu ildə "Truth" mahnısı ilə Azərbaycanı İsrailin Tel-Əviv şəhərində keçirilən "Avroviziya" mahnı müsabiqəsində təmsil edib.

Çingiz 26 ölkə təmsilçisinin mübarizə apardığı şouda 302 xal toplayaraq səkkizinci yerdə qərarlaşıb. Bu, Azərbaycanın müsabiqədə 2013-cü ildən bəri ən yaxşı nəticəsi olub.

Hazırda Çingiz İndoneziyaya köçüb və fəaliyyətini orada davam etdirir.

Müğənni Samirə Əfəndi 2020-ci ildə keçiriləcək "Avroviziya" yarışında Azərbaycanı "Cleopatra" mahnısı ilə təmsil edəcəkdi, lakin pandemiya səbəbindən müsabiqə təxirə salındığı üçün o, 2021-ci ildə adıçəkilən müsabiqədə yenidən iştirak hüququ qazandı.

"Mata Hari" mahnısını oxuyan Samirə yarışı 20-ci olaraq bitirib.

Samirə hazırda İtaliyadadır. Hazırda o, bu ölkədə keçirilən "Avroviziya" mahnı müsabiqəsinə Norveçin nümayəndə heyəti tərəfindən dəstəkçi qismində dəvət edilib. Bununla bağlı Samirə hətta xüsusi açıqlama da yayıb.

"Səs Azərbaycan" yarışının qalibi olan müğənni Nadir Rüstəmli builki "Avroviziya" mahnı müsabiqəsində ölkəmizi təmsil edir.

Nadir Rüstəmli İtaliyanın Turin şəhərində yerləşən "Pala Alpitur" arenasında müsabiqənin ikinci yarımfinalında "Fade To Black" mahnısını ifa edib və finala keçməyə nail olub.

"Avroviziya-2022" mahnı müsabiqəsinin final mərhələsi isə 14 may tarixində baş tutacaq.


Sonxeber.az Telegramda izləyin instagramda izləyin
Şou-biznes   Baxılıb: 2365   Tarix: 13 may 2022  

Şikayətiniz varsa Whatsapp: 051 7028255

Facebookda Paylaş


Kurslar.az kurslar

DİGƏR MARAQLI XƏBƏRLƏR

Geyimi tənqid olunan aktrisayla bağlı deputata sillə kimi cavab - FOTO

Türkiyənin keçmiş millət vəkili Ahmet Çakar aktrisa Melis Sezenin geyimini tənqid edib. bildirir ki, o," Büstqalteri yoxdur, dekolte göbəyə çatıb, qanunla cinayətdir" deyə iradını bildirib. Aktrisanın həmkarı Burcu Biricik onun sözlərinə belə reaksiya verib:. "Elə bilirsən ki, sən bel

13 may 2022

Afət Fərmanqızı axtarışa verilməsindən danışdı: "O əyriayaqla yazışmaları əlimdədir" - YENİLƏNİB

Müğənni Afət Fərmaqızı axtarışa verilməsi ilə bağlı yayılan xəbərlərə münasibət bildirib. -a açıqlama verən Afət Fərmanqızı bunun sifarişli iş olduğunu vurğulayıb:. "Nə axtarışı? Bu, sifarişli işdir. Bu məhkəmənin adı Floranındır. O, məni ona görə məhkəməyə verdi ki, bunun arxasında duran qüvv

13 may 2022

Rafael İsgəndərova AĞIR İTKİ

Əməkdar artist Rafael İsgəndərova ağır itki üz verib. "Qafqazinfo" xəbər verir ki, aktyorun atası Çərkəz İsgəndərov səhər saatlarında vəfat edib. Mərhum xərçəng xəstəliyindən əziyyət çəkirdi

13 may 2022

Azərbaycanlı müğənni niyə ÖZÜNÜ ÖLDÜRMƏK İSTƏDİ? - FOTO

Zaur Nəbioğlu "1 dəqiqə" verlişində qonağı olan Mətanət Əsədovaya "Heç olubmu ki, özünüzü öldürmək istəmisiniz?" sualı ilə müraciət edib. xəbər verir ki, xanım sənətçi bir dəfə intihar etmək istədiyini boynuna alıb:. "Anam dünyasını dəyişəndə intihar etmək istəyirdim. Maman

12 may 2022

Murad Dadaşov yeni görüntüsü ilə təəccübləndirdi - FOTO

Xəzər Televiziyasının rəhbəri Murad Dadaşov yeni görüntüsü ilə hər kəsi təəccübləndirib. -a istinadən xəbər verir ki, M.Dadaşovun bu gün Şuşada çəkilmiş fotosunda onun inanılmaz dərəcədə arıqladığı görünür

12 may 2022

Nadir oğlunun toyuna Əlikramı niyə çağırmadı? - Müğənnidən AÇIQLAMA

Xəbər verdiyimiz kimi, müğənni Nadir Qafarzadə bir neçə ay öncə oğluna toy edib. Həmin toyda müğənni Əlikram Bayramov iştirak etməyib. "ARB" telekanalında yayımlanan "Həmin Zaur" verilişində Bayramov gileylənib. Bəziləri hətta bu hadisəyə görə Əlikramla Nadirin arasında incikliyi

12 may 2022

Təranə Səmədovanı polis narkotiklə saxladı - VİDEO

Prodüser Təranə Səmədova polis əməkdaşları tərəfindən narkotikə görə saxlanılıb. -ın məlumatına görə, o, mayın 10-da saxlanılaraq Nəsimi rayonunda polis bölməsinə aparılıb. Səmədova həmin vaxt polisə müqavimət göstərərək tabe olmamağa çalışıb. Prodüserin barəsində İnzibati Xətalar Məcəlləsinin 206-c

12 may 2022

Bu gün "Eurovision"ın ikinci yarımfinalıdır: Azərbaycan təmsilçisi də çıxış edəcək

Bu gün İtaliyanın Turin şəhərində "Eurovision" mahnı müsabiqəsinin ikinci yarımfinalı baş tutacaq. xəbər verir ki, yarımfinal Bakı vaxtı ilə saat 23:00-da başlayacaq və 18 ölkənin nümayəndəsi səhnəyə çıxacaq. Qeyd edək ki, Azərbaycanı yarışmada təmsil edəcək Nadir Rüstəmli də bugünki yarımfinald

12 may 2022

Təranə Səmədova saxlanıldı - VİDEO

Tanınmış prodüser Təranə Səmədova bu gün polis tərəfindən saxlanılıb. Axşam.az xəbər verir ki, bu barədə aparıcı Lalə Azərtaş "Təsir dairəsi" verilişində məlumat verib. O bidirib ki, prodüser polisə müqavimət göstərdiyi üçün saxlanılıb. L.Azərtaş qeyd edib ki, T.Səmədovayla danışıb və prodüse

11 may 2022

vipemlak.az