Qonşu ilə xəyanət, bağışlanma, pozulan tövbə... - Qatil ərdən ŞOK İFADƏLƏR

Qonşu ilə xəyanət, bağışlanma, pozulan tövbə... - Qatil ərdən ŞOK İFADƏLƏRBakıda arvadını qətlə yetirməkdə təqsirləndirilən Şəhriyar Ələsgərovun cinayət işi üzrə məhkəmə prosesi yekunlaşıb.

31 yaşlı Şəhriyarın hansı səbəbdən 23 yaşlı arvadı Ləman Ələsgərovanı öldürdüyü ictimaiyyətə qaranlıq qalıb.

Lent.az həmin cinayət işinin materiallarını əldə edib.

İttihama görə, hadisə ötən il noyabrın 29-u saat 13 radələrində Sabunçu rayonu, Pirşağı qəsəbəsində qeydə alınıb. Qəsəbədə yaşayan Şəhriyar Ələsgərov arvadı Ləman Ələsgərovanı qonşuluqda yaşayan şəxslə qucaqlaşdığını görərək onu öldürmək qərarına gəlib. Bu səbəbdən Şəhriyar Ələsgərov arvadı Ləman Ələsgərovanı mətbəx bıçağı ilə qətlə yetirib və meyitini evin həyətinə atıb. Hüquq-mühafizə orqanları tərəfindən Şəhriyar Ələsgərov tutularaq istintaq təhvil verilib. Ona Cinayət Məcəlləsinin 120.1-ci (qəsdən adam öldürmə) maddəsi ilə ittiham verilib.

Məhkəmədə Şəhriyar Ələsgərov özünü təqsirli bilib. O deyib ki, Ləmanla 2014-cü ildə ailə həyatı qurublar:

"Birgə nikahdan 3 qız övladımız olub. Usta kimi işləyib ailəmi saxlamışam. Ailə qurduqdan sonra Ləmanla münasibətlərimiz yaxşı olub, lakin 2019-cu ildən etibarən ailə münaqişələri baş verməyə başlayıb. Belə ki, arvadımın anası və atası bizim ailə işlərimizə qarışırdılar. Bu səbəbdən evdə söz-söhbət olurdu. Mən səhər çıxıb, axşam gəlirdim. Ləmanın yaxınlıqda yaşayan Könül adlı qadının evinə gedib-gəldiyini qızımdan eşitdim. Mən ondan Könülgilə hansı səbəbdən getdiyini soruşdum, lakin o mənə yalandan dedi ki, Könülgilə getmir. Ləman mənim evdə olmadığım zamanlar artıq hər gün marketə və digər yerlərə getmək adı ilə evdən çıxması məndə şübhələr yaratmışdı. Onun başqa bir kişi ilə görüşdüyünü güman edirdim. Bu səbəbdən Könülgilə getdim və ondan bildiklərini deməsini xahiş elədim. Könül mənə dedi ki, Ləman narkotik vasitədən istifadə edir və Taleh adlı şəxslə görüşür. Mən evə gələrək Ləmandan Taleh barəsində soruşdum. O, mənə heç kimlə münasibət saxlamadığını dedi. Onunla aramızda ciddi münaqişə yarandı. O, polisə zəng edərək yalandan dedi ki, ərim məni döyür".

Təqsirləndirilən şəxs qeyd edib ki, arvadı ilə aralarında olan mübahisələrin birində Ləmanın əsassız şikayəti əsasında inzibati qaydada həbs olunub:

"Artıq Ləmanın mənə xəyanət etdiyinə əmin idim. Bir dəfə onun Talehlə görüşməklərinə şahid olmuşam. Talehin idarə etdiyi gümüşü rəngli "Chevrolet Niva" markalı avtomobilin arxa sərnişin oturacağında Ləmanı gördüm. Ləman isə məni görüb həyəcanlı şəkildə oradan uzaqlaşdı. Evə gəldim, aramızda dava oldu. Ondan tələb etdim ki, video çəkiliş qarşısında mənə xəyanət elədiyini etiraf etsin. O çəkiliş qarşısında mənə 5 dəfə xəyanət etdiyini dedi. Lakin əməlindən peşman olduğunu və övladlarına görə bir daha belə bir halın baş verməyəcəyinə söz verdi. Bundan sonra 3 qız övladıma görə Ləmanı bağışladım".

Şəhriyar Ələsgərov bildirib ki, arvadı Ləman söz verməsinə baxmayaraq, əməllərindən əl çəkməyib:

"Sentyabrın 27-də evə gələndə gördüm ki, Ləman uşaqları atıb qaçıb. Onun itkin düşməsi ilə bağlı polisə məlumat verdim. Bir neçə gün sonra polis Ləmanı tapdı. O, polisə verdiyi ərizədə itkin düşmədiyini və öz xoşu ilə evdən getdiyini bildirmişdi. Bu hərəkətlərindən sonra Ləmandan boşanmaq üçün iddia ərizəsi ilə Sabunçu Rayon Məhkəməsinə müraciət etdim. Lakin hadisədən 10 gün qabaq Ləman zəng edib mənimlə barışmaq istədiyini bildirdi. Ləmanla görüşüb onun kirayə qaldığı evə getdim. O ev Mehriban adlı qadının idi. Ləman onu Könül vasitəsilə tapmışdı. Ləmana sonuncu dəfə inanıb onunla yenidən yaşamağa qərar verdim. Hadisədən 1-2 gün qabaq onun yenidən gizli olaraq kiminləsə görüşdüyündən şübhələndim. Bir gün ev sahibi Mehribanın qardaşı Əlibala ilə Ləmanın birlikdə narkotik çəkdiklərini gördüm. Dava düşdü, mübahisə yarandı. Hətta Ləman uşaqları götürüb evdən çıxmaq istəyəndə Mehriban qoymamışdı".

Sonra təqsirləndirilən şəxs qətl hadisəsinin baş verdiyi günündən danışıb. Qeyd edib ki, söhbət etmək üçün Ləmanla Pirşağı çimərliyi istiqamətinə gedib:

"Ləman mənə tövbə etdiyini, bir daha belə bir hərəkət etməyəcəyini bildirdi. Bu söhbətdən sonra Mehribangilin evinə qayıtdıq. Ləman Mehribanın yanına getdi. Mən gizlincə onların danışığını eşitmək üçün pəncərənin yanına keçdim. Onlar mənim barəmdə nalayiq sözlər danışırdılar. Bundan sonra Mehriban evdən çıxıb harasa getdi. Təxminən bir neçə dəqiqədən sonra Ləmanın oturduğu həmin otağa Mehribanın qardaşı Əlibalanın gəldiyini eşitdim.

Pəncərənin yanından əyilib otağa baxanda gördüm ki, Ləmanla Əlibala qucaqlaşaraq öpüşürlər. Mən gəlib evin qapısını döydüm. Onlar qapını açanda donub qaldılar. Ləmanı marketə getmək adı ilə çölə çıxartmaq istədim. Lakin gəlmədi, mübahisəmiz yarandı. Bu vaxtda Əlibala evdən çıxıb getdi. Mən Ləmanı yenə çölə çıxartmaq istədim, dedim uşaqların yanında mübahisə eləməyək. Yataq otağına keçəndə stolun üstündə "patı" adlanan narkotik vasitəni gördüm. Ləmana heç nə demədim, otaqdan bıçağı götürüb, gödəkcəmin cibinə qoydum. Ləmanla evdən çıxıb market tərəfə getdik. Yolda ona hər şeyi gördüyümü, evə gedəndə bu barədə danışacağımı dedim. O isə evə qayıtmayacağını dedi. Yol boyu yüksək səslə danışırdı ki, insanların arasında məni pis vəziyyətə salsın. Onu zorla tutub, evin həyətinə saldım. Darvazadan içəri girən kimi bıçaqla onu vurdum. O yenə məni söyməyə başladı. Məni özümdən çıxartdı, onu öldürmək niyyətim yox idi. Lakin söyməyə davam elədi, bıçaqla ona yenidən zərbələr vurmağa davam elədim. Bu zaman Əlibaba evdən çıxıb üstümə gəldi. Ona yaxın gəlməməyi dedim. O da sakitcə evə qayıtdı. Ləman yerdən qalxıb yaralı vəziyyətdə qonşu tərəfə getdi. Mən də evə girib uşaqları götürdüm, taksi sifariş verdim. Qonşunun evinin qarşısına baxanda Ləmanın can verdiyini gördüm. Qonşudan polisə və təcili yardıma məlumat verməyini xahiş elədim. Uşaqları valideynlərimin yanına apardım, onlarla halallaşdım. Daha sonra polisə gedib təslim oldum".

Məhkəmə prosesində adı keçən Əlibala şəxsin istintaqa ifadəsi elan olunub. O da ifadəsində bacısı Mehribanın evində Ləman Ələsgərovanı gördüyünü və bir neçə gün sonra isti münasibətləri yarandığını etiraf edib. O, Ləman Ələsgərova ilə cinsi münasibətdə olduğunu bildirib.

Bakı Ağır Cinayətlər Məhkəməsinin hökmü ilə Şəhriyar Ələsgərov 16 il 6 ay müddətinə azadlıqdan məhrum edilib.


Sonxeber.az Telegramda izləyin instagramda izləyin
Kriminal   Baxılıb: 2600   Tarix: 19 may 2022  

Şikayətiniz varsa Whatsapp: 051 7028255

Facebookda Paylaş


Xidmetler

Oxşar xəbərlər

.

Prokuror "Qurtuluş 93"ün sahibinin kürəkəninin cəzasının ağırlaşdırılmasını istəyir

Bakıda dörd nəfərin ölümünə səbəb olmaqda təqsirləndirilən Elşad Kəlbəliyevin barəsindəki hökmdən verilən apellyasiya protesti üzrə məhkəmə iclasının vaxtı məlum olub. -ın əldə etdiyi məlumata görə, Bakı Apellyasiya Məhkəməsində keçiriləcək proses martın 7-nə təyin edilib. Şikayət hakim Həsən Əhmədovu

5 mart
.

3 ay əvvəl hökm oxunan zabitlər azadlığa buraxıldı

Səfərbərlik və Hərbi Xidmətə Çağırış üzrə Dövlət Xidmətinin Xəzər Rayon İdarəsinin çağırışçıları xidmətdən yayındırmağa görə məhkum edilmiş zabitləri azadlığa buraxılıb. "Qafqazinfo"nun əldə etdiyi məlumata görə, Bakı Apellyasiya Məhkəməsi belə qərar qəbul edib. Üç ay əvvəl Bakı Hərbi Məhkəməsini

27 mart
.

Düşmən casusuna hökm oxundu

Ermənistan xüsusi xidmət orqanı ilə məxfi əməkdaşlıq etməkdə ittiham olunan Emil Məmmədovun məhkəmə araşdırması yekunlaşıb. "Qafqazinfo"nun məlumatına görə, Bakı Ağır Cinayətlər Məhkəməsində keçirilən sonuncu iclasda hökm oxunub. Siyavuş Hacıyevin sədrlik etdiyi hakimlər heyəti belə qənaət

16 mart
.

Kişi yatan dostunu bıçaqladı

Rusiyanın Murmansk vilayətinin Kirovsk şəhərində 59 yaşlı kişi bıçaqlanıb. yerli mediaya istinadla bildirir ki, 38 yaşlı şübhəli dərhal saxlanılıb. O, törətdiyi cinayəti etiraf edərək bildirib ki, zərərçəkmiş ona baş çəkməyə gəlib və ziyafət zamanı yatıb. Şübhəli şəxs onu oyatmağa çalışsa da, nəticəs

26 mart
.

"Quska" haqda yeni cinayət işi açıldı - Həbs qərarı verildi

Həbsdə olan sabiq deputat Hüseyn Abdullayevə yeni cinayət işi açılıb. "Qafqazinfo"nun məlumatına görə, o, bu dəfə cinayət yolu ilə əldə edilmiş pul vəsaitlərini leqallaşdırmaqda ittiham edilir. Məlumatı onun vəkili Rəsul Cəfərov saytımıza təsdiq edib. Qeyd edək ki, H.Abdullayev 2018-ci ild

7 mart
.

Qadın alveri edən şəxs 2500 manat cərimələndi

Nərimanov Rayon Məhkəməsində qadınları fahişəliyə cəlb edən 60 yaşlı Səma Məmmədovaya (ad-soyad şərtidir) hökm oxunub. "Qafqazinfo" xəbər verir ki, məhkəmə S.Məmmədovanı Cinayət Məcəlləsinin 243.1-ci (Fahişəliyə cəlb etmə) maddəsi ilə təqsirli bilib. Bildirilib ki, o, iki həmcinsini pul qarşılığınd

5 mart
.

Sevgilisi ilə birlikdə həyat yoldaşını döyən həkimin sertifikatı olmayıb - YENİ FAKT

Ötən gün həyat yoldaşı Aynur Əsədliyə qarşı şiddət göstərməsi ilə gündəmə gələn həkim-onkoloq İbrahim Əsədli ilə bağlı yeni fakt ortaya çıxıb. "Unikal"ın əldə etdiyi məlumata görə, o, sertifikatı olmadan həkim kimi fəaliyyət göstərirmiş. Səhiyyə Nazirliyinin Mətbuat Xidmətindən sorğumuza cava

28 fevral
.

Anasını heç nədən öldürübmüş... - Dəhşətli qətlin təfərrüatı

Ötən il Xırdalanda 1974-cü il təvəllüdlü anası Mehriban Hüseynzadəni xüsusi amansızlıqla qətlə yetirən 24 yaşlı Orxan Hüseynzadənin məhkəmə prosesi başa çatıb. "Qafqazinfo"nun məlumatına görə, Sumqayıt Ağır Cinayətlər Məhkəməsinin hökmünə əsasən, Orxan 18 il müddətinə azadlıqdan məhrum edilib

24 fevral
.

Qaçırılan qızın öldüyü hadisə ilə bağlı hökm oxundu - "Maşını 150 ilə sürürdü"

Ötən ilin sentyabr ayında Quba rayonu ərazisində 23 yaşlı İnci Səfərlinin ölümü ilə nəticələnən yol qəzası ilə bağlı açılmış cinayət işi üzrə hökm oxunub. "Qafqazinfo" xəbər verir ki, qəzanı törədən sürücü, 22 yaşlı Nihat Nəsirov Cinayət Məcəlləsinin 263.2-ci maddəsi ilə təqsirləndirilib. Qub

28 fevral