Klarnet ifaçısı Hüseynin xanımı Aysel: "O məktəbi bitirəndə, mən 3-cü sinifdə oxuyurdum" – VİDEO

"Oğlumuz sakit uşaqdır. Səkkiz ayı tamam olub".

Bu sözləri klarnet ifaçısı Hüseyn Məhəmmədoğlunun aktrisa həyat yoldaşı Aysel İbrahimova qonaq olduğu "Zaurla Günaydın" səhər verilişində deyib.

Aktrisa musiqiçi həyat yoldaşı ilə aralarındakı yaş fərqindən söz açıb.

"Hüseyn hər işdə başadüşəndir. Aramızda səkkiz yaş fərq var. Hüseyn məktəbi bitirəndə, mən üçüncü sinifi bitirirdim. Onda balaca idim".

Aysel Hüseynin mətbəxdəki bacarıqlarından da danışıb. İbrahimova bildirib ki, Məhəmmədoğlu evdə tez-tez aşpazlıq məharətini nümayiş etdirir.

"Hüseyn evdə heç zaman yeməyə görə mənə problem yaratmayıb. O, özü çox yaxşı yemək bişirir. Evlənəndən sonra bir neçə ay evdə yeməyi Hüseyn özü hazırlayırdı. Mən əlimi ağdan-qaraya vurmurdum. Hüseyn yeməyə görə kaprizli deyil. Bir dəfə mən şoka düşdüm. Hələm-hələm qadınlar 10 dəqiqə yemək hazırlaya bilməz. Hüseyn mənim üçün 10 dəqiqəyə yemək hazırladı".

Qeyd edək ki, Aysel İbrahimova Milli Dram Teatrının aktrisasıdır. Hüseyn Aysel cütlüyünün səkkiz ay əvvəl oğlan övladı dünyaya gəlib. Bu Hüseynin ikinci evliliyidir. Onun birinci evliliyindən daha iki qız övladı var./Bizim.Media

Telegramda izləyin