Nazirlikdən "Azərbaycan Dəmir Yolları"nda aparılan yoxlamalara REAKSİYA - YENİLƏNİB

Rəqəmsal İnkişaf və Nəqliyyat Nazirliyi "Azərbaycan Dəmir Yolları" Qapalı Səhmdar Cəmiyyətində audit yoxlamasının aparılmasına münasibət bildirib.

Nazirlikdən Oxu.Az-ın sorğusuna cavab olaraq bildirilib ki, korporativ idarəetmə standartlarına uyğun olaraq "Azərbaycan Dəmir Yolları" QSC-də Müşahidə Şurası və Audit Komitəsi formalaşdırılıb. Beynəlxalq standart və milli qanunvericiliyin tələblərinə uyğun olaraq böyük dördlüyə daxil olan şirkətlərdən biri kənar audit olaraq cəlb edilib:

"Hazırda prosesdədir. Beynəlxalq mühasibat uçotu tələblərinə uyğun olaraq hazırlanan hesabat təsdiq olunduğu zaman ictimaiyyətə məlumat veriləcək və təşkilatın rəsmi internet səhifəsində yerləşdiriləcək".

09:22

Rəqəmsal İnkişaf və Nəqliyyat Nazirliyi tərəfindən "Azərbaycan Dəmir Yolları" Qapalı Səhmdar Cəmiyyətində audit yoxlaması aparılır.

"Unikal"ın əldə etdiyi məlumata görə, hazırda QSC-nin maliyyə fəaliyyəti araşdırılır.

Rəqəmsal İnkişaf və Nəqliyyat Nazirliyindən sorğuya cavab olaraq bildirilib ki, korporativ idarəetmə standartlarına uyğun olaraq "Azərbaycan Dəmir Yolları" QSC-də Müşahidə Şurası və Audit Komitəsi formalaşdırılıb:

"Beynəlxalq standart və milli qanunvericiliyin tələblərinə uyğun olaraq böyük dördlüyə daxil olan şirkətlərdən biri kənar audit olaraq cəlb edilib və hazırda prosesdədir. Beynəlxalq mühasibat uçotu tələblərinə uyğun olaraq hazırlanan hesabat təsdiq olunduğu zaman ictimaiyyətə məlumat veriləcək və təşkilatın rəsmi internet səhifəsində yerləşdiriləcək", - deyə məlumatda qeyd olunub.

Telegramda izləyin