"Müharibə uzun çəkəcək və bu, Rusiyanın sonu olacaq" - Koçevenko

Ukraynalılar Rusiya ilə uzun müharibəyə hazır olmalı və ölkənin qalib gəlməsinə kömək etməlidirlər.

Bunu Ukrayna ordusunun 95-ci briqadasının zabiti Yuri Koçevenko deyib.

"Mən özümü uzun müharibəyə hazırlayıram, sağlamlığım və gücüm olduğu müddətcə, bacardığım qədər Ukraynanı müdafiə edəcəyəm. Bu, ən azı bir neçə il çəkə bilər", - zabit bildirib.

Hərbçinin fikrincə, döyüş əməliyyatlarının kifayət qədər yüksək intensivliyi saxlanılmaqla müharibə uzanır.

Koçevenko xatırladıb ki, müharibənin ilk həftələrində Rusiyada "ildırımsürətli müharibə" planının uğurlu olacağına inanıblar:

"Amma görürük ki, bu baş vermədi. Avtoritar rejimlərin həmişə yaxşı səfərbərlik resursları var, onların öz millətindən və ölkəsindən son şirələri sıxmağa imkan verən məcburetmə mexanizmləri olur. Bunu indi Rusiyada görürük".

Onun sözlərinə görə, ruslar açıq şəkildə deyirlər ki, bu müharibədə məğlubiyyət Rusiyanın özünün sonu olacaq:

"Buna görə də uğur qazana bilmədiklərinə görə onlardan təslim olmalarını gözləmək lazım deyil. Minlərlə, on və yüz minlərlə həmvətənlərini qırğına sövq edəcəklər. Hazırda işğal olunmuş Donetsk və Luqanskda yaşayan insanları qırğına verirlər".

Koçevenkonun fikrincə, ukraynalılar təkcə öz ölkələri üçün vuruşmurlar:

"Dünya anlamalıdır ki, biz də həm də onun üçün döyüşürük. Biz yıxılsaq, onlar sizə üz tutacaqlar. Biz indi təkcə Ukraynanı deyil, bütün azad dünyanı müdafiə edirik".

Zabit Avropa ölkələrini Ukraynaya davamlı silah tədarük etməyə çağırıb:

"Qərb silahlarına, daha yaxşı silahlara ehtiyacımız var, bacardığınız hər şeyi verin, nəticə verəcək. Döyüş qabiliyyətimiz bu silahların tədarükündən və düşmənə nə qədər effektli zərbə vura biləcəyimizdən asılıdır".

Əlbəttə daş-çubuq olsa belə, yenə də düşməni vuracağıq. Silahsızlıq bizə mane olmayacaq, onlar bunu anlamalıdırlar"./Teleqraf

Telegramda izləyin