Kadırovun qorxu taborları cəhbəni yarmağa gedir...

Kadırovun qorxu taborları cəhbəni yarmağa gedir...

"Yeni çeçen taborları xüsusi hərbi əməliyyatın gedişində bir çox döyüş tapşırıqların həllini sürətləndirə bilər..."

Rusiyada Ukrayna müharibəsi üçün dörd çeçen taboru formalaşdırılır...

Rusiya Silahlı Qüvvələri əslən Çeçenistandan və Şimali Qazqazın digər regionlarından olanlardan formalaşdırılan dörd batalyonla gücləndiriləcək.

Moderator.az xəbər verir ki, bu barədə Rusiyanın "Moskovskiy komsomolets" nəşri yazıb.

Məlumatda deyilir ki, bundan öncə regional prinsip əsasında formalaşan, o cümlədən xüsusi təyinatlı "Əhməd" birləşmələri, istisnasız olaraq Rusiya Qvardiyasında xidmət keçib.

Çeçenistan lideri Ramzan Kadırova istinadən nəşr məlumat verib ki, formalaşan taborlar "Şimal-Əhməd", "Cənub-Əhməd", "Qərb-Əhməd" və "Şərq-Ahməd" adlandırılacaq.

Yeni bölmələrin yaradılması və formalaşdırılması məsələsi bu yaxınlarda Moskvada Rusiyanın müdafiə naziri Sergey Şoyqu ilə Ramzan Kadırovun görüşündə müzakirə edilib.

Məqalədən göründüyü kimi, taborlar könüllülük-müqavilə prinsipi ilə komplektləşdiriləcək.

Belə bölmələrin hazırlanmasında mürəkkəblikləri nəzərə alaraq, Çeçenistanda bir neçə min adam üçün nəzərdə tutulan, poliqonu və atış meydanı olan tədris-maddi bazasının tikintisinə başlanılıb.

Məqalədə göstərilir ki, yeni bölmələr üçün bazaların tikintisi və rekonstruksiyası üzrə xərcləri Hacı Əhməd Kadırov adına regional ictimai fond öz üzərinə götürüb.

Adları açıqlanmayan hərbi ekspertlərə istinadən nəşr yazıb ki, taborlar ağır silah və zirehli texnika, o cümlədən tanklar və artilleriya ilə təchiz ediləcək.

Bu, məqalədə deyildiyi kimi, Rusiya Qvardiyasının tərkibində olan çeçen taborları ilə müqayisədə bölmələrin zərbə gücünü artıracaq.

Jurnalistlərin həmsöhbətləri bəyan edib ki, yeni taborlar "xüsusi hərbi əməliyyat"ın gedişində bir çox döyüş tapşırıqlarının həllini sürətləndirə bilər.

Telegramda izləyin