14 yaşlı müsəlman qız "Dünyanın ən gənc roman müəllifi" titulunu saxladı...-FOTO+VİDEO

Səudiyyə Ərəbistanı Krallığından 14 yaşlı Ritac Əl-Həzmi roman seriyalarının ən gənc müəllifi kimi Ginnesin Rekordlar Kitabının rekordsmeni sahibi olaraq qalır.
Moderator.az-ın "Arabnews"-a istinadla verdiyi xəbərdə deyilir ki, müsəlman qız ilk dəfə 2020-ci ildə bu titulu alıb.

Əl-Həzmi 6 yaşında ikən ailəsinin dəstəyi ilə qısa hekayələr yazmağa başlayır və onu xüsusi yazıçılıq ustalığı kurslarına göndərir.

O, 2019-cu ildə 10 yaşında olarkən ingilis dilində ilk iki romanını: "İtirilmiş dənizin xəzinələri" və "Gizli dünyanın portalı" nəşr etdirib. 2021-ci ildə Ritacın üçüncü romanı - "Gələcək dünyanın hüdudlarından kənarda" işıq üzü görüb.

O, bu yaxınlarda "Naməlum aləmə keçid" adlı yeni romanını tamamlayıb və çapa hazırlayır.

Əl-Həzmi bu əsərləri yaratmaqla başqalarını da oxumağa ruhlandırmaq istədiyini söyləyir.

O, Səudiyyə Ərəbistanı Mətbuat Agentliyinə deyib ki, hazırda iqlim dəyişikliyinin insanlar və heyvanlar üçün potensial təhlükələrindən bəhs edən "2050-ci ildən bir gün əvvəl" elmi fantastika romanı üzərində işləyir. Əl-Həzmi bu yaxınlarda həmin mövzuda bir məqalə dərc edib və 2050-ci ilin bir çox ölkələrin sıfır tullantıya nail olmaq üçün təyin etdiyi tarix olduğuna görə bu adı seçdiyini bildirib.
"Kitabın növündən asılı olaraq bir kitab yazmaq mənim üçün təxminən bir il çəkir. İzlədiyim yazı mexanizmi romanın kompozisiyasının əsas məqamlara bölünməsinə əsaslanan "Pişikləri xilasetmə metodu" adlanan ən məşhur beynəlxalq üsullardan biridir. Üstəlik, bəzi elektron proqramlar yazarkən fikirlərimi sistemləşdirməyə və romanda hadisələrin düzgün ardıcıllığını təmin etməyə kömək edir.

Atası Hüseyn Əl-Həzmi qızının nailiyyətləri ilə fəxr edir:

"Bu ada layiq olmaq onun aldığı ən mühüm mükafatlardan biridir və mən onun üçün çox şadam ki, o, məqsədlərinə çata və arzusunu həyata keçirə bildi".

Telegramda izləyin