Avropa isti dalğasının təsiri altında: Meşə yanğınlarının sahəsi sürətlə genişlənir

Aralıq dənizi sahillərində müşahidə olunan meşə yanğınlarının sahəsi sürətlə genişlənir.

Yanğınla mübarizəyə minlərlə yanğınsöndürən cəlb olunub.
İspaniyanın Kosta-del-Sol regionunda 2300-ə yaxın sakinin təxliyəsi əmr olunub.

Rəsmilər küləyin tez-tez istiqamətini dəyişməsi ilə əlaqədar yanğınlar mübarizənin çətinləşdiyini bildiriblər.

Yanğınlara səbəb kimi kəskin istilər və quraqlıq göstərilir.
Rəsmilər isti ilə əlaqədar həftə ərzində 90-a yaxın şəxin öldüyünü bildiriblər.

Portuqaliyada isə Vila-Nova-di-Foş-Koa şəhəri ətrafında yanğınla mübarizə gedir.
Burada yanğınsöndürən təyyarənin qəzaya uğraması nəticəsində pilot ölüb.
Qeyd edək ki, ötən gün Portuqaliyanın bir sıra bölgələrində havananın temperaturu 47 dərəcəyə çatıb.
Ölkənin səhiyyə nazirliyi son günlərdə istidən ölənlərin sayının 238-ə çatdığını məlumat verib.

Fransanın Jironda vilayətində də kütləvi təxliyə əməliyyatları keçirilir.
Ötən gün, təxminən, 12 min şəxs yanğın bölgəsindən uzaqlaşdırılıb.
Regionda, eyni zamanda, Bordoda yanan ərazinin sahəsi 10 hektara yaxınlaşır.
Yanğınla 3 minə yaxın yanğınsöndürən mübarizə aparır.

Telegramda izləyin