"13 yaşlı uşaq 5-ci ayında bədənindəki tərpənişdən hamilə olduğunu bilib" - Kəmalə Ağazadə

Bakıda 13 yaşlı qız ana olub. O, təcavüz nəticəsində hamilə qalıb.

Bununla bağlı Sonxeber.az-a açıqlama verən Azərbaycan Uşaqlar Birliyi- Uşaq Sığınacağı Mərkəzinin rəhbəri Kəmalə Ağazadə bildirib ki, uşaq hamiləliyin 5 ayına qədər nə baş verdiyini bilməyib.
"Uşağın oxuduğu məktəblə əlaqə saxladım. Onda qeyri-adi, diqqət çəkən heç nə olmayıb. Qız hamilə olduğunu 5 ayında bilib. O, nə baş verdiyini dərk etməyib. O, deyir ki, menstruasiya olmurdum, kökəlirdim. Uşaq sadəcə bədənindəki tərpənişlərdən sonra hamilə olduğunu bilib, amma bunu deməyə qorxub. Hamiləliyin 6-cı ayına doğru isə məktəb yay tətilinə çıxıb. Çox ünsiyətcil bir uşaq olub, son günə kimi məktəbə gəlib. Orta səviyyədə oxuyub, amma məktəbə mütəmadi gəlib. Nə dərsdən yayınma, nə də davranış pozuntusu müşahidə olunub" ,- deyə o bildirib.
"Məktəblinin dostu" deyə bir layihə var. Zorakılığa məruz qalan uşaqların bir çoxunu "Məktəblinin dostları" aşkar edib bizə gətirib. Həmin məktəbdə "Məktəblinin dostu" layihəsi yoxdur. Bundan sonra daha çox diqqət yetirməlidirlər ki, hansı məktəbdə bu layihə yoxdursa, orada təşkil olunsun. Çünki müsbət tərəfi olduqca çoxdur. Məktəblərdə həmçinin peşəkar psixoloqların sayını artırmaq lazımdır" ,- deyə Kəmalə Ağazadə əlavə edib.

Şəbnəm Lətifi

Telegramda izləyin