Osteopat-terapevt Elfanə Süleymanova ATU tələbələri üçün görüş keçirdi

Osteopatiyanı ölkəmizdə tanımayan bir qisim olduğu kimi bu sahə ilə yaxından tanış olub onun faydalarından yararlanan hissə də olduqca böyükdür. Azərbaycanda osteopatiyanın inkişaf etməsi və yayılması isə bu sahənin daim öz üzərində çalışan və inkişaf edən mütəxəssisləri sayəsində mümkün olur. Azərbaycan səhiyyəsinin dəyərli həkimlərindən osteopat-terapevt Elfanə Süleymanova həmin mütəxəssislərdəndir ki, osteopatiya üzrə araşdırmalar edərək ölkəmizdə bu sahə üzrə boşluqları aradan qaldırmaq üçün əlindən gələnin artığını edir. O, bu sahədə ixtisaslaşmış, ölkəmizdə aldığı təhsillə yanaşı Rusiyada osteopatiya üzrə təhsil almış, Almaniyada təcrübə proqramında olmuşdur. Təhsil almağı, öyrənməyi dayandırmaq isə onun planları arasında yoxdur, dünyaca məşhur bir çox mütəxəssisdən ən qabaqcıl üsullara yiyələnməyə davam edir. Artıq bir müddətdir ki, fəaliyyət göstərən klinikasında Elfanə həkim və onun peşəkar kollektivi alışılmamış, hətta bir çox mütəxəssisin belə öyrənmək istədiyi üsullarla insanlara xidmət göstərir. Rəşid Behbudov 50 ünvanında fəaliyyət göstərən Elf Health Center’də osteopatiya, reabilitasiya, fizioterapiya, manual terapiya, massaj, akupunktura, hicama, hirudoterapiya üzrə müalicələr edilir, həmçinin burada skolioz akademiyası vardır ki, ən müasir üsullarla skoliozda yüksək nəticələr əldə edilir. Biliklərini paylaşmaqda əsla paxıllıq etməyən Elfanə həkim gələcək nəsildə osteopatiyaya maraq yaratmaq, onları bu sahə ilə daha yaxından tanış etmək üçün sağlamlıq mərkəzində Azərbaycan Tibb Universitetinin tələbələri ilə görüş təşkil edərək onlara bir çox faydalı məlumat ötürmüş, gələcəyin həkimlərinin hər bir sualını geniş və aydın izah etmişdir. Tələbələrin gəlməsini Azərbaycan Tibb Universitetinin tələbəsi olmuş Fizioterapiya və Tibbi Reabilitasiya fakultəsinin tələbələrinin tələbə dekanı olmuş Fidan Həsənli təşkil etmişdir. Mirtalıblı Groupun rəhbəri Ləman Mirtalıblı və osteopat-terapevt Elfanə Süleymanovanın birgə təşkilatçılığı ilə 9 Sentyabrda baş tutan tələbələrlə görüşdə Azərbaycan Tibb Universitetinin Fizioterapiya və Tibbi Reabilitasiya fakultəsinin tələbələri: Ayşə Muradova, Dürdanə Şirinli, Sumayə Sadıqova, Səma İsmayıllı, Nuray İsmayılova, Nailə Əhmədova, Səbinə Verdiyeva, Rəbiyyə İsmayılova, Hüseynova Solmaz, Züleyxa Bədəlova, Rəna Cumayeva, Leyla Allahverdiyeva, Lalə Zeynalova, Babayeva Günel, Nuranə Paşazadə, Güllər Məmmədova, Jalə Məmmədova, Mələk Cavadova, Aysu Orduxanlı, Hacıyeva Lalə, Ləman Əliyeva, Müjgan Rzayeva iştirak etmişdir. Tələbələr klinikadakı xidmət və avadanlıqlarla tanış edilmiş, Elfanə həkim başda olmaqla mütəxəssislər tərəfindən onlara qaranlıq qalan hər bir məqam işıqlandırılmışdır. Tələbələrin bu sahəyə marağının olduqca yüksək olduğunu görən peşəkar osteopat-terapevt Elfanə Süleymanova belə görüşlərin davamlı olmasını söz verərək növbəti görüşlərdə onların icra edilən prossedurları izləməsinə şərait yaradılacağını da bildirmişdir. Gələcəyimiz olan gənclərə bu cür diqqət və qayğı göstərdiyinə görə gözəl həkimimiz Elfanə xanıma və Elf Health Centerin bütün kollektivinə təşəkkürümüzü bildiririk.

Telegramda izləyin