Ərdoğanla Putin Səmərqənddə nələri müzakirə edəcəklər?

Özbəkistanın Səmərqənd şəhərində sentyabrın 15-16-da Şanxay Əməkdaşlıq Təşkilatının (ŞƏT) Sammiti çərçivəsində keçiriləcək görüşdə Türkiyə Prezidenti Rəcəb Tayyib Ərdoğanla rusiyalı həmkarı Vladimir Putinin əsas müzakirə mövzusu Ukrayna olacaq.

Ərdoğanın Putinin dəvəti ilə qatıldığı Zirvədə liderlər taxıl dəhlizinin fəaliyyətini müzakirə edəcəklər.

Üz-üzə görüşdə Ərdoğan Putinin "taxıl, təəssüf ki, varlı ölkələrə gedir" açıqlamasından sonra Rusiya məhsullarının da Türkiyənin koordinasiyası ilə gəmilərlə dəhlizdən göndərilməsini istəyəcək.

Ərdoğan və Putin görüşündə əsas gündəm Rusiya-Ukrayna müharibəsi olacaq. Ərdoğan rusiyalı həmkarına Türkiyənin vasitəçilik cəhdləri çərçivəsində müharibəni bitirmək və daimi atəşkəsə nail olmaq üçün bütün səylərə davam edəcəyini çatdıracaq. Türkiyə dövlət başçısı ölkəsində liderləri bir araya gətirmək təklifini Putinə xatırladaraq, diplomatik həll yolunu vurğulayacaq. İki liderin görüşündə Suriyaya qarşı mümkün hərbi əməliyyatın da gündəmdə olması gözlənilir./Oxu.az

Telegramda izləyin