100 yaşını ötən insanlar ordusu...

"1963-cü ildə Yaponiyada 100 yaşı ötənlər cəmi 153 nəfər, 1983-cü ildə 1000 nəfər, 1998-ci ildə 10 000 nəfər, bu gün 90 mindən artıqdır!.."

Tarixdə ilk dəfədir ki, Yaponiyada yaşı 100-ü ötən sakinlərinin sayı 90 mini keçib. Daha dəqiq desək, onların sayı 90 526 nəfər təşkil edib.

Moderator.az xəbər verir ki, bu barədə Yaponiyanın səhiyyə nazirliyi özünün sentyabrın 19-da milli bayram kimi qeyd edilən böyüklərə ehtiram Günündə ənənəvi illik hesabatında məlumat verib.

Yaponiyada son 52 ildə yaşı 100-ü ötən insanlar ordusu davamlı olaraq və fasiləsiz artmaqdadır.

Ötən 12 ay ərzində bu orduya daha 4 mindən artıq insan əlavə olunub. Yaponiyada hər 100 min nəfər sakinə yaşı 100-dən çox olan 72 uzunömürlü düşür.

Səhiyyə Nazirliyinin özü bu yaşda olan insanların sayının artmasını səhiyyə sisteminin və yaşlı indanlara qulluğun daima yaxşılaşması ilə izah edir.

Yeri gəlmişkən, Yaponiyada ən çox yaşayanlar qaynar iri şəhərlərdən uzaqda yerləşən əyalət rayonlarında sakit ömür sürənlərdir.

İndi isə diqqət edək!

"100 və daha yaşlı" kateqoriyada 88, 6 faiz qadınların payına düşür.

Ona görə də Yaponiyada ümumdünya meyli aydın meyl özünü büruzə verir- gözəl cinsin nümayəndələri zərərli vərdişlərə meylli olan kişilərə nisbətən daha uzun ömür sürür.

Bir az tarixi məlumat da verək. "100 yaşlılar"la bağlı statistika ölkədə 1963-cü ildən aparılır.
O zaman belələri cəmi 153 nəfər olub.

1983-cü ildə bu rəqəm 1000-i ötüb, 1998-ci ildə 10 000 nəfər olub. Belə sürətlə artır!

Və sonda: 2021-ci ildə Yaponiyada orta ömür müddəti qadınlarda 87, 6 il, kişilərdə isə 81, 5 il təşkil edib.

Telegramda izləyin